ហ្វេនសង្ស័យថតPre-wedding ខណៈ ស្រីលិ ស្លៀកឈុតកូនក្រមុំកូនកំលោះជាមួយគូស្នេហ៍

ភ្នំពេញ៖ ពិតណាស់ កាលពីពេលថ្មីៗនេះ តារាសម្ដែងស្រីវ័យក្មេងនិយមស្លៀកពាក់ស៊ិចស៊ី កញ្ញា អៀ ម៉េងលិ បានបើកចំហររឿងស្នេហារបស់ខ្លួនជាមួយបុរសសង្ហាមានឈ្មោះ Royce Hy។ បន្ទាប់ពីបង្ហាញមុខគូស្នេហ៍រួច ត្រូវបានមហាជន និងហ្វេនសរសើរថាអ្នកទាំងពីរសាកសមនឹងគ្នាតែម្ដង។ 

លើសពីនេះទៅទៀត គេតែងតែឃើញគូស្នេហ៍មួយគូនេះ ដឹកដៃគ្នាចូលរួមកម្មវិធីជាច្រើន ហើយថតរូបគូជានិច្ច មើលទៅហាក់មានភាពស្និទ្ធស្នាល យល់ចិត្តគ្នាទៅវិញទៅមក ដូចស្គាល់គ្នារាប់ឆ្នាំអ៊ីចឹង។ មិនតែប៉ុណ្ណោះ រូបភាពគូបង្ហោះលើកណា ក៏ទទួលបានចាប់អារម្មណ៍ពីហ្វេនផងដែរ ដោយសារសម្រស់ស្អាតទាំងគូដូច្នេះ។ 

ជាក់ស្ដែង ថ្មីៗនេះកញ្ញា អៀ ម៉េងលិ ធ្វើឲ្យអ្នកលេងបណ្ដាញសង្គម និងហ្វេនភ្ញាក់ផ្អើល ដែលឃើញនាងនិងគូស្នេហ៍ ថតរូបស្លៀកឈុតកូនកំលោះ កូនក្រមុំបែបនេះ។ រហូតហ្វេនមានការសង្ស័យ ថាអ្នកទាំងពីអាចនឹងដឹកដៃគ្នាចូលរោងការនាពេលឆាប់ៗខាងមុខយ៉ាង។ តែយ៉ាងណាក៏ចាំសមីខ្លួនចេញមកបញ្ជាក់ ថារូបទាំងនេះថតជូនសំអាងការ ឬថតPre-wedding៕ 

ប្រភពរូបភាព៖ បុទុមសិរីហ្គោល សំអាងការ

សូមទស្សនារូបភាពខាងក្រោម៖