គូស្នេហ៍? ដួង ម៉ានិច និងកំលោះវ័យក្មេងម្នាក់នេះ ដឹកដៃគ្នាទៅកូរ៉េឡើងស្វីត

កូរ៉េខាងត្បូង៖ នាពេលកន្លងមក ប្រិយមិត្តបានដឹងរួចមកហើយថា តារាសម្ដែងស្រីដ៏មានប្រជាប្រិយភាពកញ្ញា ដួង ម៉ានិច ធ្លាប់បានបង្ហើបដំណឹងពីការទាក់ទងគ្នាជាមួយតារាចម្រៀងវ័យក្មេងម្នាក់ ប៉ុន្តែមួយរយៈចុងក្រោយនេះ ស្នេហារបស់នាងហាក់បីស្ងប់ស្ងាត់ មិនសូវបង្ហោះរូបស្វីតៗដូចមុន ខណៈថ្មីៗនេះនាងបែរងាកមកបង្ហោះរូបគូ ជាមួយកំលោះសង្ហាវ័យក្មេង ដែលគេស្គាល់ជាInfluencer លោក Lyderzy។ 

ពិតណាស់ បច្ចុប្បន្នគេឃើញកញ្ញា ដួង ម៉ានិច និងលោក Lyderzy តែងតែទៅណាមកណា បណ្ដើរគ្នាជាគូ ជាពិសេស រាល់រូបភាពមើលទៅមានភាពស្និទ្ធស្នាលដូចគូស្នេហ៍ រហូតធ្វើឲ្យមហាជន និងហ្វេនៗ កើតការងឿងឆ្ងល់ និងសង្ស័យ អ្នកទាំងពីរកំពុងមើលចិត្តគ្នាពិតឬយ៉ាងណា។ 

តួយ៉ាង ថ្មីៗនេះ កញ្ញា ដួង ម៉ានិច និងលោក Lyderzy កាន់តែធ្វើឲ្យអ្នកគាំទ្រសង្ស័យពីទំនាក់ទំនងអ្នកទាំងពីរលើសដើម ស្របពេលដឹងដៃគ្នាទៅដើរកម្សាន្តនៅឯប្រទេសកូរ៉េខាងត្បូង ហើយបានថតរូបជាគូ បង្ហាញភាពផ្អែមល្ហែម និងស្នាមញញឹមយ៉ាងរីករាយ។ លើសបីនេះទៅទៀត គេសង្កេតឃើញថាអ្នកទាំងពីរបានស្លៀកឈុតសម្លៀកបំពាក់គូស្នេហ៍ដូចគ្នាទៀតផង៕ 

សូមទស្សនារូបភាពខាងក្រោម៖