បរទេស៖ ខ្សែប្រយុទ្ធ Kylian Mbappe នៅតែជឿជាក់យ៉ាងមុតមាំថាក្រុមរបស់គេនឹងអាចយកឈ្នះនៅជើងទី ២ ទោះយប់មិញ Paris Saint-Germain បានបរាជ័យក្រោមថ្វីជើងក្រុម Bayern Munich ក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នៅក្នុងការប្រកួតជើងទី ១ វគ្គ ១៦ ក្រុមចុងក្រោយនៃពានរង្វាន់ Champions League យប់មិញនេះក្រុមម្ចាស់ផ្ទះ PSG បានរងបរាជ័យក្រោមថ្វីជើងក្រុម Bayern ក្នុងលទ្ធផល ១-០, ខណៈដែលមួយគ្រាប់នោះគឺរកបានដោយ Kingsley Coman នៅនាទីទី ៥៣។
ក្រោយបញ្ចប់ការប្រកួត Mbappe បានថ្លែងប្រាប់សារព័ត៌មាន CANAL+ យ៉ាងដូច្នេះថា៖
យើងបានបង្ហាញនៅចុងការប្រកួត ដែលពួកយើងបានធ្វើឱ្យពួកគេមានភាពរង្គោះរង្គើរ នៅពេលដែលពួកយើងបានធ្វើការវាយលុកខ្លាំង។ យើងសង្ឃឹមថា ពួកយើងនឹងមានសមាជិកពេញជើងសម្រាប់ការប្រកួតជើងទី ២។ យើងនឹងទៅទីនោះដើម្បីឈ្នះ និងឆ្លងផុតវគ្គជម្រុះ៕
ប្រភព៖ Sportskeeda
Bong I.T