តារានិករ ដែល​បង្ហាញ​ក្ដី​ស្រលាញ់​ តាម​រយៈ​កាយវិការ មិន​មែន​ពាក្យ​សម្ដី

យល់ដឹង៖ ជាធម្មតានៅពេលដែលអ្នកស្ថិតនៅក្នុងទំនាក់ទំនង អ្នកតែងតែចង់ធ្វើអ្វីមួយ ដើម្បីបង្ហាញនូវក្ដីស្រលាញ់ដែលអ្នកមានចំពោះដៃគូ ហើយទោះបីជាវាមិនល្អឥតខ្ចោះក៏ដោយ។

មកស្គាល់តារានិករមួយចំនួន ដែលផ្ដល់ក្ដីស្រលាញ់ដោយកាយវិការ មិនមែនពាក្យសម្ដីឡើយមកកាន់អ្នក ៖

១. Virgo ♍️ 

Virgos នឹងធ្វើអ្វីគ្រប់យ៉ាង ដែលពួកគេអាចធ្វើបាន ដើម្បីជួយដៃគូរបស់ពួកគេដោះស្រាយបញ្ហា និងធ្វើឱ្យនរណាម្នាក់មានអារម្មណ៍ល្អឡើងវិញ។ ទោះបីជាពួកគេប្រហែលជា មិននិយាយពាក្យស្រលាញ់ជាប់លាប់ក៏ដោយ ប៉ុន្តែពួកគេនឹងបង្ហាញក្តីស្រលាញ់របស់ពួកគេ ដោយបញ្ចេញនូវអារម្មណ៍របស់ពួកគេ។ Virgo នឹងធ្វើអ្វីគ្រប់យ៉ាងដែលវាត្រូវការ ដើម្បីឱ្យដៃគូរបស់ពួកគេសប្បាយចិត្ត។ ពួកគេ​មិន​ខ្លាច​ក្នុង​ការ​ខិតខំ​ប្រឹងប្រែង​ ក្នុង​ទំនាក់ទំនង​ឡើយ។

២. Aquarius ♒️ 

Aquarius អាច​ប្រែប្រួលអារម្មណ៍ដោយ​ចៃដន្យ​ ដោយ​សារ​តែ​ពួក​គេ​មិន​ទាន់​ ដឹង​អំពី​អារម្មណ៍​របស់​ពួក​គេច្បាស់។ ពួកគេមិនមែនជាប្រភេទ ផ្ញើសាររំលឹកអ្នកថាពួកគេស្រលាញ់អ្នក ហើយមិនអាចស្រមៃថា រស់នៅដោយគ្មានអ្នកនោះទេ ប៉ុន្តែពួកគេជាប្រភេទមនុស្សដែលចងចាំរឿងតូចៗ ដែលអ្នកបាននិយាយ និងពិនិត្យមើលអ្នកនៅពេលដែលពួកគេដឹងថាអ្នកតានតឹង។ តារានិករនេះប្រហែលជា មិនធ្វើឱ្យកាយវិការស្នេហាដ៏អស្ចារ្យ ដែលអ្នកឃើញក្នុងរឿងមនោសញ្ចេតនានោះទេ ប៉ុន្តែពួកគេនឹងព្យាយាមឱ្យអស់ពីសមត្ថភាព ដើម្បីក្លាយជាដៃគូដ៏ល្អបំផុត ដែលពួកគេអាចធ្វើបាន។ ពួកគេនឹងបង្ហាញថា តើពួកគេយកចិត្តទុកដាក់ប៉ុណ្ណា ដោយធ្វើជាដៃគូ ដែលអ្នកសមនឹងទទួលបានបំផុត។

៣. Capricorn ♑️ 

Capricorns មិនមែនជាតារានិកររ៉ូមែនទិកបំផុត នៅក្នុងពិភពលោកនោះទេ ទោះបីជាពួកគេមានចិត្តស្មោះស្ម័គ្រខ្លាំង និងមានបេះដូងធំក៏ដោយ។ ទោះជាយ៉ាងណាក៏ដោយពួកគេ  ​នឹង​បង្ហាញខ្លួន​ឡើង​នៅ​ពេល​ណា​ ដែល​អ្នក​ត្រូវ​ការ​ដោយ​មិន​មាន​សំណួរ​សួរ​អ្វី​ឡើយ។ ទោះបីជាពួកគេប្រហែលជាមិនបង្ហាញថា តើពួកគេយកចិត្តទុកដាក់ចំពោះអ្នកប៉ុណ្ណាក៏ដោយ អ្នកនឹងអាចដឹងបានថា ពួកគេយកចិត្តទុកដាក់នឹងអ្នកប៉ុណ្ណា។ យ៉ាងណាមិញ Capricorns នឹងមិនខ្ជះខ្ជាយពេលវេលារបស់ពួកគេ ជាមួយនរណាម្នាក់ដែលពួកគេមិនប្រាកដនោះទេ។

៤. Cancer ♋️ 

តារានិករនេះចូលចិត្តមើលថែមនុស្ស ដែលសំខាន់បំផុតសម្រាប់ពួកគេ។ ពួកគេចូលចិត្តបង្ហាញភាពស្និទ្ធស្នាល តាមរយៈសកម្មភាពរបស់ពួកគេ។ នៅពេលដែលតារានិករនេះធ្លាក់ក្នុងអន្លង់ស្នេហ៍អ្នក ពួកគេនឹងធ្វើឱ្យអ្នកភ្ញាក់ផ្អើលជាមួយនឹងកាដូ និងការចម្អិនអាហារឲ្យអ្នក ហើយជួយអ្នកជាមួយនឹងការទទួលខុសត្រូវណាមួយ ដែលបានធ្វើឲ្យអ្នកតានតឹង។ ពួកគេបង្ហាញសេចក្តីស្រលាញ់ តាមរយៈសកម្មភាពរបស់ពួកគេ ពីព្រោះពួកគេមិនដែលចង់ឱ្យអ្នកចោទសួរថា តើអ្នកសំខាន់ឬអត់ឡើយ។ ពួកគេមិនដែលចង់ឱ្យអ្នក មានអារម្មណ៍ឯកោ ឬមានការយល់ច្រឡំនោះទេ។

ប្រភព: thoughtcatalog