ទន្សាយតាកែវកាងជាងគេ! ឆ្នាំនេះប្លែកខ្លាំង មើលរូបទន្សាយ មានគ្រប់ទម្រង់តាមខេត្តនានា

កម្សាន្ត៖ ជាការពិតណាស់ នាឱកាសបុណ្យចូលឆ្នាំថ្មីប្រពៃណីជាតិខាងមុខនេះ តាមបណ្ដាខេត្តក្រុងនានា​ បានត្រៀមនឹងប្រារព្ធពិធីរៀងៗខ្លួន។ ទន្ទឹមនឹងនោះ តាមទីកន្លែងត្រៀមប្រារព្ធនីមួយៗបានរៀបចំលម្អខុសៗគ្នាទៅតាមតំបន់ និង មានដាក់តាំងរូបសត្វតំណាងឆ្នាំថ្មីប្លែកៗពីគ្នា។ 

អ្វីដែលធ្វើឲ្យមហាជនមានការចាប់អារម្មណ៍ទៅលើការតុបតែងរៀបចំរូប សត្វទន្សាយ ទៀតនោះគឺ នៅតាមខេត្តក្រុងមួយចំនួន ដាក់តាំង រូបទន្សាយ មានទម្រង់ រូបរាង ខុសៗគ្នា គួរឲ្យទាក់ភ្នែក។ នៅក្នុងនោះ រូបទន្សាយខ្លះ មានរូបរាងដូចកណ្ដុរ ខ្លះមានរាងប្លែកៗ ដែលត្រូវបានប្រជាជននាំគ្នាចែករំលែករូបភាពពេញបណ្ដាញសង្គម។

ជាពិសេស មហាជននៅក្នុងបណ្ដាញអ៉ិនធើណែតក៏បាននាំគ្នា ប្រមូលផ្ដុំរូបទន្សាយទាំងនោះមកបង្ហោះ ដើម្បីប្រៀបធៀបថា ទន្សាយនៅតំបន់ណាប្លែកជាងគេ។ ទោះបីជាយ៉ាងក៏ដោយ វាគឺជាសិល្បៈនៃការតុបតែងរបស់ទីតាំងនីមួយៗ ដើម្បីឲ្យមានភាពទាក់ទាញ និង ដើម្បីត្រៀមប្រារព្ធពិធីចូលឆ្នាំខ្មែរដែលនៅសល់រយៈប៉ុន្មានថ្ងៃទៀតប៉ុណ្ណោះ៕

ប្រភព៖ Dom Dom

សូមទស្សនារូបភាពខាងក្រោម៖