ភ្នំពេញ៖ ថ្មីៗនេះ ផ្ទុះការចាប់អារម្មណ៍សាជាថ្មី ក្រោយពី អ្នកច្នៃម៉ូតល្បីឈ្មោះ លោក ឯម រៀម ហាក់ត្រូវបានមហាជនជាច្រើន ធ្វើការរិះគន់ពីភាពមិនសមរម្យ ចំពោះការស្លៀកពាក់របស់លោក បន្ទាប់មានការបង្ហោះរូបភាពមួយចំនួន នៅលើបណ្ដាញសង្គម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក មិនយូរប៉ុន្មាន អ្នកច្នៃម៉ូត លោក ឯម រៀម ក៏បានចេញមកឆ្លើយតបចំពោះមតិរិះគន់ទាំងនោះ ខណៈដែលបានបង្ហាញរូបភាពមួយចំនួនពីការបង្ហោះ ក៏ដូចជាត្រូវបានគេ Report Page ដោយនៅក្នុងនោះ អ្នកច្នៃម៉ូតរូបនេះ បានលើកឡើងថា៖
សូមបងប្អូនមួយចំនួនទុកឲ្យខ្ញុំមានសេចក្តីសុខក្នុងជីវិតរបស់ខ្ញុំផង ខ្ញុំជាមនុស្សធម្មតាទេ មិនមានថានៈ បុណ្យសាក់ ឬឥទ្ធិពលអ្វីក្នុងសង្គមដែរ ហើយខ្ញុំចង់បានតែជិវិតដូចសព្វថ្ងៃនឹង គឺធ្វើអ្វីសប្បាយៗ ។ ខ្ញុំនៅតែអត់យល់ មានបងប្អូនមួយចំនួន នៅតែតាមខាំខ្ញុំអត់ឈប់ អត់លែង តាម Report Page Facebook EM Riem ទៀតឡូវ Facebook របស់ខ្ញុំមិនអាច Post Video បានទេ Post បានតែរូបភាព
យ៉ាងណាមិញ ទន្ទឹមនឹងការលើកឡើងបែបនេះ លោក ឯម រៀម ក៏ទទួលបានមតិចម្រុះពីអ្នកលេងបណ្ដាញសង្គម ដែលមានទាំងការរិះគន់ចំពោះទង្វើរបស់លោក ខណៈដែលអ្នកមួយចំនួនទៀត បានផ្ញើសាលើកទឹកចិត្ត និងការគាំទ្រចំពោះរូបលោក ផងដែរ៕
សូមទស្សនារូបភាពខាងក្រោម៖
Bong I.T