ដូចមនុស្សពីរផ្សេងគ្នា! ហ៊ិន លីដា និងម៉ង់ ចាន់កញ្ញា កាន់តែស្អាត ក្រោយកែសម្ផស្សរួច

កម្សាន្ដ៖ បើនិយាយដល់តារាចម្រៀងស្រីពីរដួង គឺកញ្ញា ហ៊ិន លីដា និងកញ្ញា ម៉ង់ ចាន់កញ្ញា ប្រិយមិត្តប្រាកដជានៅចាំថាតារាស្រីទាំងពីរូបនេះ គឺសុទ្ធតែជាបេក្ខភាពប្រឡងកម្មវិធី Cambodia Idol Season2 ក្នុងឆ្នាំ២០១៦ ដែលមានទឹកដមសម្លេងផ្អែម ស្រទន់ ធ្ងន់ ថែមទាំងបកស្រាយបទចម្រៀង បានគ្រប់ទម្រង់ និងមានរូបសម្រស់ស្អាតបែបធម្មជាតិផងដែរ។

ដោយឡែក ក្នុងពេលបច្ចុប្បន្ននេះ តារាស្រីទាំងពីរូបនេះ ហាក់បីជាមមាញឹកខ្លាំងនៅក្នុងវិស័យសិល្បៈ និងកាន់តែមានសន្ទុះការគាំទ្រកាន់តែខ្លាំង ពីសំណាក់មហាជន និងអ្នកគាំទ្ររបស់ពួកគេ ហើយអ្វីដែលកាន់តែប្លែកនោះគឺ តារាស្រីទាំងពីររូបនេះ បានទៅកែសម្ផស្ស ជាមួយច្រមុះរបស់ពួកគេ លើកខ្ទង់ខ្ពស់យ៉ាងស្រស់ស្អាតខ្លាំង រហូតដល់អ្នកគាំទ្រមើលមិនចង់ស្គាល់ ពោលគឺខុសប្លែកគ្នាជាខ្លាំង ជាមួយសម្រស់របស់នាង កាលដែលពួកគេទាំងពីររូបនេះ នៅប្រឡងកម្មវិធី​ Cambodia Idol Season2 កាលពីឆ្នាំ២០១៦ គឺប្រៀបដូចជាមនុស្សពីផ្សេងគ្នាអ៊ីចឹង។

លើសពីនេះ មានហ្វេនៗជាច្រើន កោតសរសើរពេញៗមាត់ ពីសម្រស់របស់តារាចម្រៀងស្រី ហ៊ិន លីដា និងកញ្ញា ម៉ង់ ចាន់កញ្ញា ថាពិតជាអភិវឌ្ឍខ្លួនរបស់ពួកគេទាំងពីររូបខ្លាំងណាស់ មិនថាសម្លេងការបកស្រាយចម្រៀងកាន់តែពិរោះ កាន់តែមានភាពជឿជាក់ និងរូបសម្រស់វិញមិនបាច់និយាយ គឺស្អាតញាក់តែម្ដងរហូតដល់ហ្វេនៗ មើលតារាស្រីទាំងពីរមិនចង់ស្គាល់បើមិននិយាយ បង្ហាញឈ្មោះនោះ៕

សូមទស្សនារូបភាពខាងក្រោម៖