កីឡាករហែលទឹកកម្ពុជា៣រូប មកពីប្រទេសក្រៅ មកប្រកួតតំណាងកម្ពុជា កំពុងផ្ទុះការចាប់អារម្មណ៍ សង្ហាៗខ្លាំង

កម្សាន្ដ៖ ជាការពិតណាស់ ដំណើរការរាប់ថយក្រោយ កាន់តែខិតចូលកៀកហើយ ដែលនៅត្រឹមតែរយៈពេល ២ថ្ងៃទៀតតែប៉ុណ្ណោះ និងឈានដល់ថ្ងៃបើកជាផ្លូវការ នៃព្រឹត្តិការណ៍ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២​ នៅថ្ងៃទី៥ ខែឧសភា ឆ្នាំ២០២៣ នៅឯពហុកីឡដ្ឋានមរតកតេជោ ជាមួយនឹងប្រភេទកីឡាប្រកួតចំនួន៣៧ប្រភេតផងដែរ។

លើសពីនេះ កីឡាករ កីឡាការិនីកម្ពុជា ជាច្រើនរូបមិនត្រឹមតែហ្វឹកហាត់ នៅក្នុងប្រទេសតែម៉្យាងនោះទេ ប៉ុន្ដែមានកីឡាករ និងកីឡាការិនីជាច្រើនរូប បានចេញទៅហ្វឹកហាត់ដល់ក្រៅប្រទេសទៀតផង​ ដើម្បីសិក្សាស្វែងយល់បន្ថែម ជាមួយបទពិសោធន៍ថ្មីៗ ពីក្រៅស្រុកបន្ថែម។ មួយវិញទៀត កីឡាករ កីឡាការិនី​ ដែលទៅហ្វឹកហាត់នៅក្រៅប្រទេសនោះ បានត្រលប់មកការមាតុភូមិកម្ពុជាវិញហើយ ដើម្បីត្រៀមខ្លួនរួចជាស្រេច ក្នុងការប្រកួតស៊ីហ្គេម នាពេលប៉ុន្មានថ្ងៃខាងមុខនេះ។

ជាក់ស្ដែង អ្វីដែលផ្ទុះការចាប់អារម្មណ៍ជាខ្លាំង ព្រោងព្រាតពេញបណ្ដាញសង្គមនោះ គឺមហាជន​​ អ្នកនិយមប្រើប្រាស់បណ្ដាញសង្គម ទាំងបុរស​ទាំងស្រ្ដី បាននាំគ្នាចាប់អារម្មណ៍ទៅលើ កំលោះសង្ហា៣រូប ដែលជាកីឡាករជម្រើសជាតិកម្ពុជា ប្រភេទកីឡាហែលទឹក ត្រៀមខ្លួនប្រកួតស៊ីហ្គេម ដែលមិនត្រឹមតែមានសមត្ថភាពខ្លាំងតែម៉្យាងទេ តែបើងាយមកមើល រូបរាងសម្រស់ឯណេះវិញ ក៏មិនណយដែរ ពិតជាស្រស់សង្ហាខ្លាំង សម្បុរសាច់ស ត្រេមុខទាក់ទាញ រាយមន្ដស្នេហ៍ ពេញបណ្ដាញសង្គម ដែលកីឡាករ៣រូបនោះរួមមាន​៖

1.    កីឡាករ Sovann Montross (ជាកំលោះកូនកាត់ខ្មែរ-អាមេរិក បានទៅហ្វឹកហាត់ នៅខេត្តភូកេទ ប្រទេសថៃ)។

2.    កីឡាករ Bunna Pov Pichra (ជាកំលោះកូនខ្មែរ ដែលបានទៅហ្វឹកហាត់ នៅឯប្រទេសចិន)

3.    កីឡាករ អ៊ួង លីហេង​​ (ជាកំលោះកូនខ្មែរ​ ដែលទៅហ្វឹកហាត់ នៅប្រទេសចិន)​