ពូកែណាស់! ប្អូនប្រុស រ៉េត សារីតា ជាកីឡាករគុនល្បុក្កត្តោ ត្រៀមសម្ដែង ថ្ងៃបើកព្រឹត្តិការណ៍ស៊ីហ្គេម

កម្សាន្ដ៖ បើនិយាយដល់កញ្ញា រ៉េត សារីតា ច្បាស់ណាស់បណ្ដាអ្នកគាំទ្រ ជាច្រើនប្រាកដជាបានស្គាល់ ថានាងជាបវកញ្ញា Miss Universe Cambodia 2020 ដែលមានសមត្ថភាពខ្ពស់ ទាំងភាពជឿជាក់ សម្រស់ ចំណេះដឹង គឺបវកញ្ញាកម្ពុជារូបនេះ មានទាំងព្រមតែម្ដង ហើយមិនត្រឹមតែប៉ុណ្ណោះ នាងជាបវកញ្ញមួយរូប ដែលចេះចាំនូវក្បាច់គុនល្បុក្កត្តោ ដែលជាក្បាច់គុន បង្កើតឡើងដោយបុព្វបុរសខ្មែរ ដើម្បីបង្ហាត់បង្រៀនកូនខ្មែរជំនាន់ក្រោយ បានស្គាល់បានរៀនសូត្រផងដែរ។

ជាក់ស្ដែង បវកញ្ញារូបនេះ មានបងប្អូន៤នាក់ ស្រី៣ ប្រុស១ នាងជាកូនច្បង តែអ្វីដែលធ្វើឲ្យអ្នកប្រើប្រាស់បណ្ដាញសង្គម នាំគ្នាភ្ញាក់ផ្អើលនោះគឺ​ ប្អូនប្រុសរបស់នាង មានឈ្មោះថា រ៉េត វិសុថាន់ មានដុងមិនចាញ់បងស្រីប៉ុន្មាននេះទេ ដែលជាកីឡាករគុនល្បុក្កត្តោផង និងជាពិសេសមានអាជីពជាតារាសម្ដែងប្រុស មួយរូបដែលមានរូបសម្រស់ស្រស់សង្ហា រាងខ្ពស់ស្រឡះ សម្បុរស្រអែមស្រស់ និងជាកីឡាករ ដែលមានទេពកោសល្យ ហើយតែងតែចូលរួមសម្ដែងគុនល្បុក្កត្តោ នៅក្នុងកម្មវិធីធំៗ​ជាច្រើន ពោលនៅក្នុងព្រឹត្តិការណ៍ ពិធីបិទកីឡាជាតិ លើកទី៣ និងកីឡាជាតិជនពិការ លើកទី១ ឆ្នាំ២០២២.

លើសពីនេះ រ៉េត វិសុថាន់ ក៏កំពុងតែត្រៀមខ្លួនចូលរួមសម្ដែង គុនល្បុក្កត្តោ នៅក្នុងបើកចាប់ផ្ដើមជាផ្លូវការ នៃព្រឹត្តិករណ៍ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២​ ដែលរៀបចំនៅក្នុងថ្ងៃនេះ ថ្ងៃទី០៥ ខែឧសភា ឆ្នាំ២០២៣ នេះហើយ​ នៅពហុកីឡដ្ឋានជាតិមរតកតេជោ ដែលមានការចូលរួមពីសំណាក់ នាយរដ្ឋមន្រ្ដីនៃកម្ពុជា និងសិល្បៈករ សិល្បៈការិនីជាច្រើនរូប ដើម្បីចូលរួមអបអរសារទរ ក្នុងនាមកម្ពុជា ជាម្ចាស់ផ្ទះ៕

សូមទស្សនារូបភាពខាងក្រោម៖