អស្ចារ្យណាស់! លំដាប់ប្រទេសទាំង៣នេះ ដណ្ដើមមេដាយច្រើនជាងគេ ក្នុងព្រឹត្តិការណ៍ប្រកួតកីឡា ស៊ីហ្គេម២០២៣

ភ្នំពេញ៖ ជាការពិតណាស់ ការប្រកួតកីឡាស៊ីហ្គេមលើកទី៣២ ក្នុងនាមកម្ពុជា ទទួលភារកិច្ចជាម្ចាស់ផ្ទះនេះ គឺនឹងត្រូវបិទបញ្ចប់ នៅថ្ងៃទី១៧ ខែឧសភា ឆ្នាំ២០២៣​ ស្អែកនេះហើយ ក្រោម​​​​​​​​​​​​​​​​​​​​​​​​​​​​​​​​​​​​​​​​​​​ការប្រកួត ខិតខំប្រឹងប្រែង តស៊ូ យ៉ាងស្វិតស្វាញ ជាងកន្លះខែមកនេះ ដោយឃើញថា កីឡាករ កីឡាការិនីទាំង១១ប្រទេស ពិតជាខិតខំប្រឹងប្រែង យកឈ្នះ ដើម្បីទទួលបានមេដាយជាច្រើន យកទៅបំពេញមុខមាត់ប្រទេស រៀងៗខ្លួន​ ហើយថ្ងៃនេះ ក៏ជាថ្ងៃប្រកួតចុងក្រោយ នៃព្រឹត្តិការណ៍កីឡាអាស៊ីអាគ្នេយ៍២០២៣នេះដែរ។

ជាក់ស្ដែង យោងតាមផេកផ្លូវធំៗរបស់កម្ពុជា បានUpdate នូវតារាងមេដាយសរុបទាំងអស់ ដែលប្រទេសនីមួយៗទទួលបាន ​ តែអ្វីដែលគួរឲ្យគត់សម្គាល់នោះ​ គឺគិតត្រឹមថ្ងៃទី១៦ ខែឧសភា ឆ្នាំ២០២៣ ប្រទេសទាំង៣នេះ ទទួលបានមេដាយសរុបច្រើនជាងគេ​ ដោយរួមមាន​៖ ប្រទេសវៀតណាម (លំដាប់ទី១) ទទួលបានមេដាយសរុប ៣២៣គ្រឿង មេដាយមាស១២៤គ្រឿង, មេដាយប្រាក់​៩៩គ្រឿង, និងមេដាយសំរឹទ្ធ១០០គ្រឿង ចំណែកឯប្រទេសថៃ​ (លំដាប់ទី២) ទទួលបានមេដាយសរុប ២៦៤គ្រឿង មេដាយមាស៩៣គ្រឿង, មេដាយប្រាក់៧៦គ្រឿង, និងមេដាយសំរឹទ្ធ​៩៥គ្រឿង ចុងក្រោយប្រទេសកម្ពុជា (លំដាប់ទី៣) ទទួលបានមេដាយសរុប ២៥៣គ្រឿង មេដាយមាស៧១គ្រឿង, មេដាយប្រាក់៦៨គ្រឿង, និងមេដាយសំរឹទ្ធ១១៤គ្រឿង​៕

សូមទស្សនារូបភាពខាងក្រោម៖