វៀតណាម៖ ជារឿងដ៏គួរឲ្យហួសចិត្ត និង នឹកស្មានមិនដល់ ដែលនៅប្រទេសវៀតណាម បានបង្កើត កម្មវិធីប្រកួតមួយ ហៅថា កម្មវិធីប្រកួតដេក។ នៅក្នុង កម្មវិធីនេះ តម្រូវឲ្យបេក្ខភាពចូលរួមប្រកួត ដេក នៅក្នុងកន្លែងកម្មវិធីជាមួយគ្នាតែម្ដង ដោយមានការរៀបចំ តាមលេខរៀងនីមួយៗ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមិនតែប៉ុណ្ណោះ បើតាមប្រភពព័ត៌មានបានឲ្យដឹងថា បេក្ខភាព ម្នាក់ណា ដែលមានសមត្ថភាពដេកលក់លឿន និង ដេកបានរយៈពេលយូរជាងគេនោះនឹងឈ្នះ។ ជាមួយគ្នានេះ សម្រាប់អ្នកដែលដេកយូរជាងគេ នឹងឈ្នះប្រាក់រង្វាន់រហូតដល់១០០លានដុង ដែលគិតជាលុយដុល្លារស្មើនឹងជាង៤២០០ដុល្លារ។
លើសពីនោះ ក្នុងកម្មវិធីបានរៀបចំកន្លែងសម្រាប់គេងនៅក្នុងទីលាន Hall ទល់មុខឆាក ដោយបេក្ខភាពត្រូវគេងតម្រាបជួរគ្នា តាមលេខរៀង ដោយគេបានផ្ដល់ កម្រាលពូក ខ្នើយ និង ភួយ ព្រមទាំងទឹកសុទ្ធទៅឲ្យបេក្ខភាពដែលត្រូវចូលរួមប្រកួតផងដែរ។
ជុំវិញរឿងដ៏គួរឲ្យចាប់អារម្មណ៍មួយនេះ បានទាក់ទាញចំណាប់អារម្មណ៍មហាជនពេញបណ្ដាញអ៉ិនធើណែត ដែលមិនមានអ្នកណានឹកស្មានថា មានកម្មវិធិបែបនេះកើតឡើងនោះទេ។ បន្ថែមពីនោះ គេមិនបានបង្ហាញនូវគោលបំណងដែលជំរុញឲ្យគេបង្កើតកម្មវិធីប្រកួតដេកនេះទេ អាចនឹងដើម្បីកម្សាន្ត និង ទាក់ទាញចំណាប់អារម្មណ៍ប៉ុណ្ណោះ៕