ស្លៀករ៉ូបខ្លី ចេញជើងស្រឡូនអ៊ីចឹងទៅ ចាងស៊ីប៊ីយុ ស្អាតឆ្វាច ដូចនារីអភិជន

កូរ៉េខាងត្បូង៖ បើនិយាយពីតារាស្រីកូរ៉េខាងត្បូង ដែលមានទាំងចរិយាសម្បត្តិនិងរូបសម្បត្តិ ព្រមទាំងជារៀមច្បងដែលតារាទាំងអស់យកគម្រូតាមនោះគឺគេតែងតែនឹកដល់ តារាចម្រៀងនិងសម្ដែងស្រី Im Yoona ឬប្រិយមិត្តកម្ពុជាស្គាល់ក្នុងនាមជាតួអង្គ "ចាង ស៊ីប៊ីយុ"ក្នុងរឿង "អូនជាបេះដូងបង"។

សម្រស់របស់ Yoona ត្រូវគេចាត់ចូលក្នុងលំដាប់ A ទើបអ្នកគ្រប់គ្នាតែងតែចាប់អារម្មណ៍ពីសកម្មភាពរបស់នាងទាំងលើឆាក និងក្រោមឆាក ហើយថ្មីៗនេះកាលពីថ្ងៃទី២ខែកញ្ញាកន្លងទៅ Yoona បានលេចមុខនៅក្នុងកម្មវិធី Joopiter Digital Auction ដែលរៀបចំដោយតារាចម្រៀង Pharell Williams និងG-Dragon ។

ក្នុងនោះ Yoona បានស្លៀករ៉ូបខ្លីពណ៌ខ្មៅបែបចោមពុងសម្រុបងប៉ោងៗមានម៉ូតត្បូងពណ៌សភ្លឺផ្លេកនៅផ្នែកខាងលើ និងធ្វើសក់មូររួញផ្នត់ទឹករលកធំ ទម្លាក់មករំសាយពេញខ្នង មើលទៅពិតជាស្រស់ស្អាតខ្លាំង ដែលធ្វើឲ្យអ្នកគាំទ្រសរសើរមិនដាច់ពីមាត់ថាមិនថាស្លៀកអ្វី ក៏តារាស្រីរូបនេះនៅតែស្រស់ស្អាតដែរ៕