នៅចាំក្មេងប្រុស ច្រៀងសំឡេងស្រីនេះអត់? ពេលនេះធំពេញវ័យប្រែប្រួលខ្លាំង

ភ្នំពេញ៖ ប្រិយមិត្តដែលជាអ្នកនិយមលេងបណ្ដាញសង្គម ពិសេសក្នុង TikTok ប្រហែលជាស្គាល់ Content Creator ធ្វើវីដេអូកំប្លែងៗតាមរយៈគណនីឈ្មោះ Courtney ជាក់ជាមិនខាន ព្រោះរាល់វីដេអូរបស់គេនីមួយៗ សុទ្ធតែមានអ្នកចូលចិត្ត និងទស្សនាច្រើនផងដែរ។

យ៉ាងណាមិញ បើយើងក្រឡេកទៅរំឮកកាលពី ១០ ឆ្នាំមុន ទើបយើងដឹងថា Courtney គឺជាក្មេងប្រុស សារ៉េត រតនៈ ដែលធ្លាប់ឡើងច្រៀងលើប៉ុស្ដិ៍ទូរទស្សន៍ជាច្រើន។ ហើយកាលនោះគេតែងតែឡើងច្រៀងបទរបស់តារាចម្រៀង សុន ស្រីពេជ្រ និងបទតារាស្រីផ្សេងៗ បានយ៉ាងពីរោះ ដូចមនុស្សស្រី ទើបអាចទាក់ទាក់ចិត្តមហាជនជាច្រើនឲ្យចូលចិត្តរូបគេ។

ជាមួយគ្នានេះ បើបកមកមើលនាពេលបច្ចុប្បន្ន ក្មេងប្រុសរូបនេះ ក៏បានធំពេញវ័យ ពេញរូបពេញរាងហើយ ប៉ុន្តែសព្វថ្ងៃ សារ៉េត រតនៈ បានផ្លាស់ប្ដូរការរស់នៅ និងនិយមការតុបតែងខ្លួនបែបមនុស្សស្រីវិញ និងពូកែលេងខ្លួន ព្រមទាំងម៉ូតសម្លៀកបំពាក់ស្អាតៗ និងមានភាពល្បីល្បាញក្នុងបណ្ដាញសង្គមគួរឲ្យសរសើរផងដែរ៕

ទស្សនារូបភាព វីដេអូខាងក្រោម៖