មើលរូបចាស់ៗ ស្ដាយសមត្ថភាព ទូច ស៊ុននិច ស្អាតហើយពូកែតាំងពីក្មេង

អាមេរិក៖ ជាការពិតណាស់ រយៈពេល ២០ឆ្នាំហើយ ដែលតារាចម្រៀងស្រីសំឡេងផ្អែមល្ហែម ទូច ស៊ុននិច បានឃ្លាតឆ្ងាយពីវិថីសិល្បៈ និងត្រូវទៅរស់នៅក្រៅប្រទេសដើម្បីសម្រាកព្យាបាលខ្លួន ក្រោយមានហេតុការណ៍ខ្មាន់កាំភ្លើងបា.ញ់ប្រ.ហា.រលើរូបនាងយ៉ាងសង្វេគកាលពីអំឡុងឆ្នាំ ២០០៣។

ទន្ទឹមនឹងនេះដែរ បើទោះបីជានាងបានរសាត់ឆ្ងាយពីការច្រៀងរាំច្រើនឆ្នាំពិតមែន ប៉ុន្តែប្រិយមិត្តគឺនៅតែចងចាំដក់ជាប់ក្នុងបេះដូងរហូតដល់សព្វថ្ងៃ ដោយសារតែរាល់ស្នាដៃសិល្បៈ និងបទចម្រៀងជាច្រើនរបស់នាង សុទ្ធសឹងតែយល្អពូកែ មានសមត្ថភាពអាចច្រៀងបានគ្រប់ទម្រង់បទចម្រៀង គួរឲ្យសរសើរមែនទែន។

ដោយឡែក បើក្រឡេកមកមើលរូបភាពមួយចំនួនខាងក្រោម កាលនាងនៅវ័យកុមារ និងអំឡុងពេលប្រឡូកក្នុងសិល្បៈ យើងឃើញថា អតីតតារាស្រីរូបនេះ នាងចេះទាំងរបាំបុរាណ នាងរៀនចប់បរិញ្ញាបត្រ ហើយសម្រស់ពិតជាស្អាត សមសួនសក្ដិសមនឹងទេពកោសល្យគួរឲ្យសរសើរ រហូតធ្វើឲ្យមហាជនយករូបនោះមកមើលនៅពេលបច្ចុប្បន្ន នាំគ្នាស្ដាយទេពកោសល្យរបស់ ទូច ស៊ុននិច គ្រប់គ្នា និងតែងតែគិតថា បើសិនមិនមានរឿងមិនល្អកើតឡើងទៅលើនាងកាលនោះទេ ម្ល៉េះពេលនេះ នាងនឹងនៅតែមានចម្រៀងដ៏ពីរោះៗបម្រើអារម្មណ៍អ្នកគាំទ្រដដែលជាក់ជាមិនខាន៕

ទស្សនារូបភាពខាងក្រោម៖