សុខៗ Ga Young បង្ហោះរូប Eunwoo ឡើងស្វីតដូចគូស្នេហ៍ ធ្វើឲ្យហ្វេនសង្ស័យគ្រប់គ្នា

កូរ៉េខាងត្បូង៖ ជឿជាក់ថាអ្នកគាំទ្រមួយចំនួនធំក្នុងវិស័យ K-Drama នៅកម្ពុជា ប្រាកដជាបានទស្សនារឿងភាគដ៏ល្បីឈ្មោះ «True Beauty» ហើយដែលជាសាច់រឿងយកចេញពី Manhwa ដ៏ល្បីល្បាញដែលមានឈ្មោះដូចគ្នា ចេញផ្សាយកាលពីឆ្នាំ២០២០ កន្លងទៅ។

ក្នុងនោះ កញ្ញា Moon Gayoung ក៏បានទទួលសន្ទុះនៃការគាំទ្រខ្លាំងដែរ បន្ទាប់ពីបានដើរតួជាតួអង្គឯកស្រី ក្នុងរឿងភាគនេះ រួមជាមួយតារាសម្ដែងប្រុសសម្រស់ស្រស់សង្ហា Cha Eunwoo ដែលជាសមាជិកម្នាក់ក្នុងក្រុមតារាចម្រៀងបុរស «ASTRO» ផងដែរ ដែលធ្វើឲ្យកក្រើកវិស័យ K-Drama ។

ថ្មីៗនេះ ស្រាប់តែពួកគេចេញមកធ្វើឲ្យអ្នកគាំទ្រមានការភ្ញាក់ផ្អើល បន្ទាប់ពី Gayoung បានបង្ហោះរូបថតរបស់ Eunwoo ក្នុង Instagram Story ដែលធ្វើឲ្យមានការវែកញែកពីទំនាក់ទំនងរបស់ពួកគេ ដោយខ្លះគិតថាពួកគេស្រលាញ់គ្នានៅក្រៅមែនទែន ខ្លះថាពួកគេប្រហែលថតរឿងភាគ «True Beauty» វគ្គ២ ជាមួយគ្នា ឯខ្លះទៀតក៏គិតថាប្រហែលជាមានគម្រោងថ្មីណាមួយជាមួយគ្នា។

យ៉ាងណាមិញ តាមពិតទៅ Moon Gayoung និង Cha Eunwoo បានជួបជុំគ្នាសាជាថ្មីក្នុងការថតផ្សាយពាណិជ្ជកម្មឲ្យម៉ាកយីហោមួយ ដែលប្លង់អស់ទាំងនោះត្រូវថតនៅឆ្នេរខ្សាច់ ធ្វើឲ្យមើលទៅដូចពួកគេជាគូស្នេហ៍ដឹកដៃគ្នាមកលេងនៅឆ្នេរសមុទ្រអ៊ីចឹង៕  

ប្រភព៖ koreaboo