មកដឹងពីប្រវត្តិ និង វីដេអូការប្រកួតរបស់កីឡាករបរទេសចំណូលថ្មីបឹងកេតទាំង ២រូប ឃើញថាពិតជាល្អមែន

កម្ពុជា៖ ក្លិប បឹងកេត បានប្រកាសជាផ្លូវការអំពីការចុះហត្ថលេខានាំយកកីឡាករបរទេសចំណូលថ្មីពីររូបមករួមក្រុម ដែរមានឈ្មោះថា Antoine Lemarie និង Yusuke Muta។

ជាការពិតណាស់ បើយើងនិយាយពីប្រវត្តិរបស់កីឡាករ Antoine Lemarie គឺ រូបគេមានដើមកំណើតជាជនជាតិបារាំង បច្ចុប្បន្នមានវ័យ ២៧ឆ្នាំ កម្ពស់ ១.៧៥ម៉ែត្រ លេងក្នុងតួនាទីជាខ្សែបម្រើស្លាប។ Lemarie ជា កីឡាករដែលមានបទពិសោធន៍ជោគជាំនៅលីគរបស់ប្រទេសហ្វាំងល្លង់ ពោលរាប់ចាប់តាំងពីឆ្នាំ ២០២០ មក គេបង្ហាញខ្លួនបាន ៧៥ប្រកួត គេរកបាន ១៤គ្រាប់ ខណៈ កាលពីរដូវកាលមុន គេបង្ហាញខ្លួនជាមួយក្លិប Kakkonen បង្ហាញខ្លួន ២៣ប្រកួត រកបាន៦គ្រាប់។

ងាកមកកាន់កីឡាករ Yusuke Muta ជនជាតិជប៉ុនវិញ បច្ចុប្បន្នមានវ័យ ៣៣ឆ្នាំ កម្ពស់ ១.៨៧ម៉ែត្រ ធ្លាប់ប្រកបអាជីពនៅលីគកំពូលជប៉ុនជាមួយក្លិប Nagoya Grampus អំឡុងឆ្នាំ ២០១៣-២០១៥ ក្លិប Kyoto Saga ចន្លោះឆ្នាំ ២០១៦-២០១៩ រួចក៏បន្តលេងឲ្យក្លិប FC Imabari និង ក្លិបចុងក្រោយ FC Ryukyu នៅលីគទី៣ជប៉ុន។