ចូលរួមរំលែកទុក្ខ លោក Chen Lip Keong ថៅកែ Naga ទទួលមរណភាពក្នុងវ័យ ៧៥ឆ្នាំ

បរទេស៖ មហាសេដ្ឋីកាស៊ីណូ Chen Lip Keong ដែលជាស្ថាបនិក ម្ចាស់ភាគហ៊ុនធំ និងជានាយកប្រតិបត្តិជាន់ខ្ពស់របស់ NagaCorp Ltd. បានទទួលមរណភាពក្នុងជន្មាយុ ៧៥ឆ្នាំ នេះបើយោងតាមកាសែតចិន Nanyang Siang Pau។

ដោយដកស្រង់ប្រភពដែលអាចទុកចិត្តបាន Nanyang Siang Pau បានរាយការណ៍ថា រូបលោក បានស្លាប់នៅសហរដ្ឋអាមេរិក ប៉ុន្តែមូលហេតុនៃការស្លាប់របស់គាត់មិនទាន់ដឹងនៅឡើយទេ។

បច្ចុប្បន្នសាកសពរបស់ Chen ត្រូវបានគេរាយការណ៍ថាកំពុងស្ថិតនៅក្នុងសហរដ្ឋអាមេរិកនៅឡើយ ដោយកំពុងរង់ចាំនីតិវិធីមួយចំនួន មុនពេលត្រូវបានធ្វើមាតុភូមិនិវត្តន៍ទៅកាន់ប្រទេសម៉ាឡេស៊ី។

Nanyang Siang Pau ក៏បានរាយការណ៍ផងដែរថាលោក Chen បានទទួលរងនូវជំងឺដាច់សរសៃឈាមខួរក្បាលកាលពីជាង ១០ ឆ្នាំមុន ប៉ុន្តែវាមិនទាន់ត្រូវបានបញ្ជាក់ថាតើមូលហេតុនៃការស្លាប់របស់លោកទាក់ទងនឹងជំងឺបេះដូងនោះទេ។

ដោយផ្អែកលើបញ្ជីអ្នកមានបំផុតទាំង ៥០ របស់ទស្សនាវដ្ដី Forbes Malaysia សម្រាប់ឆ្នាំ​ ២០២៣ លោក Chen គឺជាអ្នកមានបំផុតទី ៧ នៅក្នុងប្រទេសដែលមានទ្រព្យសម្បត្តិសុទ្ធចំនួន ២.៨ ពាន់លានដុល្លារ  គិតត្រឹមថ្ងៃទី ៣១ ខែឧសភាឆ្នាំនេះ៕

ប្រភព៖ theedgemalaysia