អង់គ្លេស៖ គ្រូបង្វឹកក្លិប Bayern Munich លោក Thomas Tuchel បានលើកឡើងថា លោកមានភាពអាណិតអាសូរចំពោះលោក Erik ten Hag និង ជឿជាក់ថា Manchester United បច្ចុប្បន្ននេះខ្វះខាតនូវ គុណភាព និង បុគ្គលលក្ខណៈ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ កាលពីយប់មិញនេះ គឺ Man UTD បានធ្លាក់ចេញពីការប្រកួតប្រជែងក្នុងពានរង្វាន់ Champions League ហើយ ក្រោយចាញ់ Bayern Munich ក្នុងលទ្ធផល ១ទល់នឹង០ ឈរលេខ៤ ឆ្លងកាត់ ៦ប្រកួត មានត្រឹម៤ពិន្ទុប៉ុណ្ណោះ នៃពូល A។
ក្រោយចប់ការប្រកួត លោក Tuchel បានថ្លែងអំពីចំណាប់អារម្មណ៍អំពីការធ្លាក់ចេញរបស់ Man UTD យ៉ាងដូច្នេះថា៖
ខ្ញុំតែងតែមានការអាណិតអាសូរចំពោះគ្រូបង្វឹកដទៃ។ ខ្ញុំគិតថាលោក Ten Hag មានកីឡាករជាច្រើនដែលកំពុងជួបបញ្ហារបួស ហើយ អ្នកមើលឃើញហើយអំពីកង្វះគុណភាព និង បុគ្គលលក្ខណៈរបស់ពួកគេ ជាពិសេសគម្លាតកម្រិតកីឡាករបម្រុងដើម្បីផ្លាស់ប្តូរស្ថានភាពហ្គេម។ វាជាពេលវេលាដ៏លំបាក ប៉ុន្តែ ខ្ញុំច្បាស់ថាលោក Ten Hag ដឹងអ្វីដែលគួរធ្វើបន្តទៀត៕
ប្រភព៖ metro
Bong I.T