កិត្តិយសខ្ពង់ខ្ពស់ណាស់ សម្ដេចតេជោ ហ៊ុនសែន ចូលរួមអាពាហ៍ពិពាហ៍ ហ៊ិន ច័ន្ទនិរ័ត្ន ព្រឹកនេះ

ភ្នំពេញ៖ ជាការពិតណាស់ ថ្ងៃទី២២ ខែធ្នូ ឆ្នាំ២០២៣នេះ គឺជាថ្ងៃសិរីមង្គលចូលរោងអាពាហ៍ពិពាហ៍របស់ពិធីការនី និង ជាតារាស្រីដ៏ល្បីល្បាញ ហ៊ិន ច័ន្ទនិរ័ត្ន និង គូស្នេហ៍។ មិនតែប៉ុណ្ណោះ ក៏មានវត្តមានតារាៗ និង បុគ្គលមានមុខមាត់ជាច្រើនរូបបានចូលរួមអបអរពិធីមង្គលការរបស់រូបនាងផងដែរ។

អ្វីដែលធ្វើឲ្យមហាជនភ្ញាក់ផ្អើលនោះគឺ វត្តមានដ៏ខ្ពង់ខ្ពស់របស់ សម្ដេចតេជោ ហ៊ុន សែន ក៏បានប្រទានកិត្តិយសចូលរួមពិធីមង្គលការមួយនេះ ដែលធ្វើឲ្យអ្នកលេងបណ្ដាញសង្គមនាំគ្នាចែករំលែករូបភាពពេញអ៉ិនធើណែត។ បើក្រឡេកទៅមើលកូនក្រមុំវិញ ពិតជាស្រស់ស្អាតមិនធម្មតានោះទេនៅក្នុងថ្ងៃពិសេស។

ចំណែកឯ ការតុបតែងរោងវិញ ពិតជាគួរឲ្យចាប់អារម្មណ៍មែនទែន ដោយលម្អដោយផ្កាពណ៌ក្រហមយ៉ាងស្រស់ស្អាត និង រំលេចជាមួយផ្កាកុលាបយ៉ាងប្រណិត។ ខណៈនេះ ពិធីសិរីសួស្ដីនៃអាពាហ៍ពិពាហ៍មួយនេះ កំពុងតែប្រព្រឹត្តិទៅយ៉ាងរលួន៕

ប្រភព៖ StudioH