មកមើលរូបភាព RM និង V ក្នុងឈុតទាហាន នៅតែជះរាងសង្ហាខ្លាំង

កូរ៉េខាងត្បូង៖ ពិតណាស់ នាពេលនេះសមាជិក BTS ចំនួនបួនរូបគឺ RM, V, Jimin និង Jungkook បានចូលបម្រើកងទ័ពជាផ្លូវការហើយ ដោយ RM និង V បានចូលហាត់នាថ្ងៃទី១១ ខែធ្នូចំណែក Jimin និង Jungkook ចូលហាត់នាថ្ងៃទី១២ខែធ្នូ។

តែយ៉ាងណាក៏ដោយក៏ពួកគេនៅតែទទួលបានការចាប់អារម្មណ៍ ក៏ដូចជាគាំទ្រខ្លាំងពីសំណាក់ទស្សនិកជនដដែល ដោយថ្មីៗនេះ គឺមានការបង្ហោះរូបភាពរបស់ RM និង V ថតជាមួយនឹងក្រុមទាហានដែលមកហ្វឹកហាត់ដទៃទៀត ដែលគេដឹងថា ពួកគេបានហ្វឹកហាត់នៅជំរុំទាហានឯតំបន់ Nonsan។

ក្នុងនោះ V បានក្លាយជាមេកងទាហានផងដែរ ព្រោះគេឃើញមានស្លាកដាក់ថាប្រធានក្រុមខ្ទាស់នឹងអាវទាហានរបស់គេ ដែលធ្វើឲ្យអ្នកគាំទ្រមានមោទកភាពជាខ្លាំង៕

ប្រភព៖ allkpop