MV នេះស្នេហាបែបកម្សត់ IU និង V សម្ដែងសមគ្នាមែនទែន ដូចគូស្នេហ៍ពិតៗ

កូរ៉េខាងត្បូង៖ កាលពីថ្មីៗនេះ តារាចម្រៀងស្រីដ៏ល្បីល្បាញ IU បានចេញចម្រៀងមួយបទ ដែលមានអត្ថន័យយ៉ាងជ្រាវជ្រៅ ពិរោះ អមជាមួយនឹងវីដេអូចម្រៀងដូចខ្សែភាពយន្ដ។ អ្វីដែលធ្វើឲ្យមហាជនកាន់តែមានចំណាប់អារម្មណ៍ទៀតនោះគឺ V សមាជិក BTS គឺជាតួឯកប្រុសសម្ដែងនៅក្នុងវីដេអូចម្រៀងជាមួយ IU តែម្ដង។

ជាពិសេស តាមរយៈសាច់រឿងនៅក្នុង MV បទ Love wins all នេះ បានធ្វើឲ្យអ្នកទស្សនាទប់ទឹកភ្នែកមិនបាន ព្រោះតែវាប្រៀបបានដូចជាភាពយន្ដមួយអញ្ចឹង មានស្នេហា មនោសញ្ចេតនា របស់មនុស្ស២នាក់ ដែល V និង IU សម្ដែងសមគ្នាឥតខ្ចោះ ដូចគូស្នេហ៍ពិតៗ។

មិនតែប៉ុណ្ណោះ អ្នកគាំទ្រខានបានឃើញការសម្ដែងរបស់តារាចម្រៀងប្រុស V នេះយូរមកហើយ តាំងពីឆ្នាំ២០១៦មកម្ល៉េះ។ ចំណែកឯ ការបង្ហាញខ្លួនជាមួយ IU លើកនេះ ប្រៀបដូចជាកាដូដ៏ពិសេសមួយជូនដល់ហ្វេនផងដែរ រីឯហ្វេនៗវិញ សរសើរអំពីការសហការណ៍របស់អ្នកទាំងពីរ ធ្វើឲ្យ MV មួយនេះ ទស្សនាយ៉ាងជក់ចិត្តដិតអារម្មណ៍៕