កម្សាន្ត៖ ប្រិយមិត្តច្បាស់ជាដឹងរួចមកហើយថា Seungri ដែលជាអតីតសមាជិកក្រុម Big Bang បាននិយាយនៅក្នុងកម្មវិធីជប់លាងក្នុងប្រទេសកម្ពុជាថា "ថ្ងៃណាមួយ លោកនឹងនាំ G-Dragon មកលេងទីនេះឲ្យបាន" ទៅកាន់មហាជន និង ហ្វេនៗ ដែលបានចូលរួមនៅកម្មវិធីនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសម្ដីនេះ បានធ្វើឲ្យកក្រើកដល់អ្នកគាំទ្រទូទាំងពិភពលោកបញ្ចេញប្រតិកម្មជាខ្លាំងទៅលើ Seungri ដែលហ៊ាននិយាយឈ្មោះ G-Dragon ខណៈដែលតារារ៉េបរូបនេះ ក៏ទើបតែដោះស្រាយបញ្ហាស៉ើបអង្កេតគ្រឿងញៀនចប់។ ដោយឡែក ក្រឡេកទៅមើល GD វិញ រូបលោកមិនបានតបតអ្វីអំពីរឿងនេះទេ បើទោះបីជាអ្នកគាំទ្រមានការសួរនាំច្រើនយ៉ាងណាក៏ដោយ។
ជាពិសេស តារារ៉េបរាងតូចរូបនេះ បានបង្ហាញការគាំទ្រដល់សមាជិកផ្សេងគឺ Daesung ដែលទើបនឹងចេញចម្រៀងថ្មី ក្រោយខានចេញចម្រៀង Solo ជាង១៣ឆ្នាំកន្លងមក។ នៅក្នុងនោះ GD បានដាក់រូប Poster របស់ Daesung នៅក្នុង Story IG របស់ខ្លួនទៀតផង ដែលបញ្ជាក់ថា ពួកគេមានទំនាក់ទំនងយ៉ាងល្អ។
ចំណែកឯ Seungri វិញ រូបលោកជាប់ឈ្មោះជា ឧក្រិដ្ឋជន ដែលធ្លាប់ជាប់គុក ដូចនេះ ក្រោយពីលោកបង្ហាញភាពជឿជាក់ថា នឹងនាំ GD មកលេងកម្ពុជា វាប្រៀបបីដូចជាលោកនៅតែមានទំនាក់ទំនងល្អជាមួយគ្នាអញ្ចឹង។ យ៉ាងណាមិញ យើងមិនដឹងទេថា ពួកគេពិតជាមានទំនាក់ទំនងក្រោយភ្នែកមហាជនមែនឬយ៉ាងណានោះទេ៕
ប្រភព៖ K-Buzz