អតីតសមាជិក 4minute រូបនេះ ផ្លាស់មករស់នៅកោះបាលី យ៉ាងមានក្ដីសុខ

កម្សាន្ត៖ Gayoon ជា អតីតសមាជិករបស់ក្រុមចម្រៀងនារី KPOP ជំនាន់ទី២ គឺ 4minute បានចាកចេញពីវិស័យកម្សាន្តនៅកូរ៉េខាងត្បូង ហើយផ្លាស់មកប្រើជីវិតយ៉ាងស្ងប់ស្ងាត់ នៅកោះបាលី ប្រទេសឥណ្ឌូនេស៊ី។

4minute ធ្លាប់ជាក្រុមចម្រៀងនារីមួយដ៏ល្បីល្បាញ ដែលទទួលបានការគាំទ្រខ្លាំងមិនចាញ់ Girls' Generation, 2NE1, Wonder Girls ឬ T-Ara នោះឡើយ ដែលសមាជិកម្នាក់ៗសុទ្ធតែមានសមត្ថភាព និងមានភាព​​​លេចធ្លោនៅ​​លើឆាក។

យ៉ាងណាមិញ Gayoon ដែលជាសមាជិកម្នាក់ផងដែរនោះ បានចាកចេញពីក្រុមនៅឆ្នាំ២០១៦ បន្ទាប់ពីក្រុមនេះប្រកាសរំសាយជាផ្លូវការ ហើយនាពេលបច្ចុប្បន្ន គឺមានតែ HyunA ទេដែលនៅមានសកម្មភាពសិល្បៈ។

បន្ទាប់ពីចាកចេញពីក្រុម គេឃើញថា Gayoon បានសម្រេចចិត្តមករស់នៅកោះបាលី ដោយបានប្រើប្រាស់ជីវិតយ៉ាងរីករាជាមួយនឹងធម្មជាតិព្រមទាំងរលកសមុទ្រ ដោយក្នុងរូបភាពដែលបានចែកចាយនេះ គេឃើញនាងបានទៅហាត់ប្រាណ ដើរទិញអីវ៉ាន់ ទៅញ៉ាំបាយតាមហាងអាហារធម្មតា និងជិះស្គីទៀតផង៕  

ប្រភព៖ allkpop