បាត់មុខមួយរយៈ Rosé ចេញមកលេងស្ទាយ៍ឡើង Swag នៅព្រលានយន្តហោះ

កូរ៉េខាងត្បូង៖ Rosé គឺជាតារាចម្រៀងដ៏ល្បីខាងមានសំឡេងពីរោះក្រអៅក្រអួនខុសពីគេ ហើយនាងក៏ជាសមាជិកម្នាក់ក្នុងក្រុមចម្រៀងនារី BLACKPINK ដែលថ្មីៗនេះពួកគេទាំងបួនបានប្រកាសចែកផ្លូវគ្នាជាមួយ YG Entertainment ហើយលើសកម្មភាពទោល ខណៈសកម្មភាពជាក្រុមនៅមានជាធម្មតា។

ខណៈសមាជិកដទៃទៀតដូចជា Jisoo, Lisa និង Jennie ប្រកាសបើកផលិតកម្មផ្ទាល់ខ្លួន Rosé វិញបានបង្ហើបថានាងកំពុងត្រៀមចេញចម្រៀងថ្មីមានចំណងជើង(មិនផ្លូវការ)ថា Vampirehollie ផងដែរ។

ប៉ុន្តែថ្មីៗនេះ Rosé បានបង្ហាញមុខជាសាធារណៈនៅព្រលានយន្តហោះ Incheon ត្រៀមធ្វើដំណើរទៅទីក្រុងប៉ារីស ប្រទេសបារាំង ដើម្បីតំណាងឲ្យម៉ាកយីហោ Saint Laurent នៅ Paris Fashion Week ។

ទន្ទឹមនឹងក្ដីរំភើបដែលឃើញនាងបានបង្ហាញខ្លួននោះ អ្នកគាំទ្រក៏បានសង្កេតឃើញថាការតែងខ្លួនរបស់នាងពិតជាឡូយបែបយុវវ័យជាមួយនឹងអាវយឺតពណ៌ស ពាក់ពីលើដោយអាវស្បែកដៃវែងពណ៌ខ្មៅ គូជាមួយនឹងសំពត់ខ្លីពណ៌ខ្មៅ និងស្បែកជើងពណ៌ខ្មៅ។ អ្វីដែលពិសេសគឺនាងបានពាក់មួកសរសេរថា "BLACKPINK World Tour" មើលទៅពិតជាឡូយឆាយមួយបែប៕  

ប្រភព៖ allkpop