Lisa ប៉ះ Taylor Swift មួយរូបនេះ ហ្វេនញញិមមិនស្ទើរទេ

សាំងហ្កាពួរ៖ កាលពីថ្ងៃទី៣ខែមីនាកន្លងទៅនេះ អ្នកគាំទ្របានប្រទះឃើញ Lisa តារាចម្រៀងល្បីប្រចាំក្រុមចម្រៀងនារី BLACKPINK បានចូលរួមទស្សនាការប្រគុំតន្ត្រី The Eras Tour របស់ Taylor Swift នៅ សាំងហ្កាពួរ ផងដែរ។

ក្នុងនោះនាងបានអង្គុយនៅកន្លែង VIP ក្រោមការអញ្ជើញរបស់ Taylor Swift ផ្ទាល់និងថែមទាំងបានដោះដូរខ្សែដៃមិត្តភាពជាមួយនឹងអ្នកគាំទ្រ Taylor ឯទៀត។

យ៉ាងណាមិញ បន្ទាប់ពីការប្រគុំតន្ត្រីចប់ Taylor Swift បានថតរូបជាមួយ Lisa យ៉ាងស្និទ្ធស្នាល ដោយ Taylor បានកៀកកនាង យកមុខដាក់ជិតគ្នា ហើយម្នាក់ៗពិតជាស្នាមញញិម។

ក្នុងនោះដែរ Lisa បានស្លៀកសម្លៀកបំពាក់ដ៏ស្រស់ស្អាតនិងទាន់សម័យគឺ អាវរឹបខ្លីបែប Crop Top ពណ៌ខ្មៅ ពាក់ពីលើដោយអាវក្រឡាសំណាញ់ពណ៌ដូចគ្នាដែលអាចមើលធ្លុះដល់ខាងក្នុង ព្រមជាមួយសំពត់ស្បែកខ្លី៕  

ប្រភព៖ allkpop