Rosé ស្លៀករ៉ូបពណ៌មាសឡើងឆ្វាចដូចជំទាវ ចូលរួមកម្មវិធីជប់លៀងអូស្ការ

អាមេរិក៖ Rosé ជាសមាជិកម្នាក់ក្នុងក្រុមចម្រៀងនារី BLACKPINK បានទទួលភាពល្បីល្បាញជាច្រើនឆ្នាំមកហើយ ដោយនាងត្រូវបានគេស្គាល់ថាជាតារាចម្រៀងសំឡេងក្រអួន ដែលទើបតែបានចាកចេញពីផលិតកម្ម YG Entertainment និងកំពុងត្រៀមចេញចម្រៀងថ្មី។

ប៉ុន្តែក្នុងពេលជាមួយគ្នានោះ អ្នកតំណាងសាកលរបស់ម៉ាកយីហោ Yves Saint-Laurent ម្នាក់នេះក៏បានបង្ហាញមុខនៅតាមកម្មវិធីជាច្រើន រួមទាំងកម្មវិធីដើរម៉ូតនៅ Paris Fashion Week កន្លងទៅផងដែរ។ ឥឡូវនេះ Rosé ក៏បានបង្ហាញវត្តមានក្នុងពិធីជប់លៀងក្រោយចប់កម្មវិធីទទួលពានអូស្ការ ដែលមានឈ្មោះថា Vanity Fair Party ។

ក្នុងរូបភាពដែលបានចែករំលែកពេញបណ្ដាញសង្គម តារាចម្រៀងរូបនេះបានស្លៀករ៉ូបពណ៌មាសវែងអូសដី បែបចោមពុង សាច់រលោង មើលទៅស្រស់ស្អាតខ្លាំងដោយបានបង្ហាញចង្កេះតូចមួយក្ដាប់របស់នាង រួមទាំងដងខ្លួនដ៏ស្រឡៅស្រឡូន ក៏ដូចជាវ៉ែនតាខ្មៅនិងចងសក់ទៅក្រោយលើកខ្ពស់ ពាក់ជាមួយនឹងកងដៃធំពណ៌ស៊ីនឹងឈុត មើលទៅជះចំហាយបែបអភិជន៕  

ប្រភព៖ vogue