អង់គ្លេស៖ ខ្សែប្រយុទ្ធ Anthony Martial បានបញ្ជាក់ជាផ្លូវការ ថា ដំណើររបស់គេជាមួយ Manchester United នឹងត្រូវបានបញ្ចប់ហើយនៅពេលដែលកុងត្រារបស់គេដល់សុពលភាពត្រឹមថ្ងៃទី១ ខែមិថុនា ខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ កីឡាករសញ្ជាតិបារាំងខាងលើ បានមកដល់កីឡដ្ឋាន Old Trafford កាលពីឆ្នាំ ២០១៥ ពី Monaco ក្នុងតម្លៃ ៣៦លានផោន ក្នុងនោះគេបានបង្ហាញខ្លួនសរុប ៣១៧ប្រកួត រកបាន ៩០គ្រាប់ និង បានរួមចំណែកជួយក្រុមឈ្នះពានរង្វាន់មួយចំនួនផងដែរដូចជា FA CUP ២ដង EFL CUP EUROPA LEAGUE និង FA Community Shield។
ទាក់ទងនឹងការប្រកាសចាកចេញរបស់ Martial រូបគេបាននិយាយថា៖
បន្ទាប់ពីចំណាយរយៈពេលប្រាំបួនឆ្នាំដ៏អស្ចារ្យជាមួយ Man UTD ពេលវេលាបានមកដល់សម្រាប់ខ្ញុំក្នុងការបើកទំព័រថ្មីមួយនៅក្នុងអាជីព។ ចាប់តាំងពីខ្ញុំមកដល់ក្នុងឆ្នាំ ២០១៥ ខ្ញុំមានកិត្តិយសដ៏ធំធេងក្នុងការពាក់អាវមួយនេះ ហើយ លេងនៅចំពោះមុខអ្នកគាំទ្រ ដែលជាអ្នកគាំទ្រដ៏ល្អបំផុតនៅក្នុងពិភពលោក។ អ្នកនឹងស្ថិតនៅក្នុងបេះដូងរបស់ខ្ញុំជារៀងរហូត៕
ប្រភព៖ metro
Bong I.T