ទើបចេញច្រៀងមិនទាន់បានប៉ុន្មានផង Ahyeon ឬ «Jennie តូច» ត្រូវគេរិះគន់លើរឿងមួយនេះ

កូរ៉េខាងត្បូង៖ ថ្វីត្បិតក្រុម BABYMONSTER ទើបតែបង្ហាញមុខនៅលើឆាកតន្ត្រី KPOP កាលពីចុងឆ្នាំ២០២៣កន្លងទៅមែន តែពួកគេបានទទួលភាពល្បីល្បាញខ្លាំងណាស់ ជាពិសេសបន្ទាប់ពី Ahyeon បានវិលមករួមក្រុមវិញ។

Ahyeon ត្រូវបានគេស្គាល់និងចាប់អារម្មណ៍យូរមកហើយតាំងពីនាងនៅជាអ្នកហ្វឹកហាត់នៅផលិតកម្ម YG Entertainment ជាពិសេសវីដេអូនាងច្រៀងបទ "I Loved You Dangerously" របស់ Charlie Puth ទទួលបានការកោតសរសើរថានាងច្រៀងបានពីរោះណាស់។

យ៉ាងណាមិញ ថ្មីៗនេះ Ahyeon បែរជាត្រូវគេរិះគន់ទៅវិញ ថានាងព្យាយាមខំរាំខ្លាំងពេក មើលទៅដូចជាចង់ធ្វើខ្លួនឲ្យលេចធ្លោជាងសមាជិកដទៃទៀតដែលរាំធម្មតា ប៉ុន្តែអ្នកគាំទ្រផ្សេងទៀតក៏បានចេញមុខការពារនាងថា នាងគ្រាន់តែព្យាយាមធ្វើឲ្យបានល្អបំផុតដើម្បីអ្នកគាំទ្រ នៅលើឆាកតន្ត្រីប៉ុណ្ណោះ៕

ប្រភព៖ koreaboo