តារាប្រុសថៃ Win Metawin ចេញមកបណ្ដើរ Lingling សង្ស័យជាមិត្តស្រីនៅសេអ៊ូល

កូរ៉េខាងត្បូង៖ តារាសម្ដែងប្រុសជនជាតិថៃដ៏ល្បីឈ្មោះ Win Metawin ត្រូវបានគេប្រទះឃើញថាបានបណ្ដើរ តារាស្រីម្នាក់ យ៉ាងផ្អែមល្ហែម។

រូបភាពនិងវីដេអូដែលពួកគេបានដើរជាមួយគ្នាយ៉ាងជិតស្និទ្ធនៅឯ ទីក្រុងសេអ៊ូល ប្រទេសកូរ៉េខាងត្បូង ត្រូវបានបង្ហោះចែកចាយពេញបណ្ដាញសង្គម ដែលកាន់តែធ្វើឲ្យមានការសង្ស័យថាអ្នកទាំងពីរមានទំនាក់ទំនងស្នេហាជាមួយគ្នា។

តារាស្រីម្នាក់នោះត្រូវបានគេស្គាល់ថាជា Lingling Kwong ជាជនជាតិចិនហុងកុង កាត់ថៃ មានអាយុ២៩ឆ្នាំ។ នៅក្នុងរូបនេះនាងបានស្លៀកខោខោប៊យ និងអាវយឺតពណ៌ផ្ទៃមេឃ ស្របពេលលោក Win Metawin ស្លៀកសម្លៀកបំពាក់ខ្មៅសុទ្ធ មានមួកកាតឹបពណ៌ខ្មៅ និងវ៉ែនតា ដោយនៅក្នុងរូបនេះ Win មានថង់អីវ៉ាន់ធំមួយ មើលទៅដូចជាដើរទិញទំនិញជាមួយគ្នា៕  

ប្រភព៖ inquirer