ខានឃើញមួយរយៈ Selena ចេញមកផ្អែមល្ហែមជាមួយគូស្នេហ៍ នៅសមុទ្រ

អាមេរិក៖ ជីវិតស្នេហារបស់តារាចម្រៀងស្រី Selena Gomez និងផលិតករលោក Benny Blanco ពិតជាមានភាពផ្អែមល្ហែមខ្លាំងណាស់ ក្រោយប្រកាសទាក់ទងគ្នាជាសាធារណៈកាលពីឆ្នាំ២០២៣កន្លងទៅ។

ជារឿយៗ ពួកគេតែងតែចេញមកបណ្ដើរគ្នាយ៉ាងល្អូកល្អឺន ដូចជាដើរលេងនៅសារមន្ទីរ ទៅទទួលទានអាហារជុំគ្នា ឬទៅមើលការប្រកួតបាល់បោះ ហើយលោក Benny ក៏ធ្លាប់បង្ហើបដែរថា លោកតែងតែធ្វើអាហារផ្គាប់ចិត្ត Selena ពេលនាងមកដល់ផ្ទះ ព្រោះលោកចូលចិត្តចំអិនម្ហូប។

ថ្មីៗនេះ រូបភាពមួយសន្លឹកកំពុងទទួលការចាប់អារម្មណ៍លើបណ្ដាញសង្គម ក្រោយ Selena បានថតជាមួយគូស្នេហ៍កំពុងគេងនៅលើប៉ៅអ៊ីរួមគ្នានៅឯសមុទ្រ ដែលក្នុងនោះ Selena បានស្លៀកឈុតហែលទឹកបញ្ចេញជើងស្រឡូនពណ៌លឿងខ្ចី ខណៈលោក Benny ពាក់អាវក្រៅរូបផ្កា និងខោពណ៌ខៀវក្រឡាការ៉ូ មើលទៅសប្បាយរីករាយខ្លាំងណាស់៕