មើលរូបទាំងនេះហើយបានដឹងថា Selena ផ្អែមជាមួយមិត្តប្រុសប៉ុណ្ណា

អាមេរិក៖ ជីវិតស្នេហារបស់តារាចម្រៀង Selena Gomez និងផលិតករ Benny Blanco នៅតែរក្សាភាពផ្អែមល្ហែម ហើយជារឿយៗពួកគេតែងតែចេញមកបង្ហោះរូបស្និទ្ធស្នាលជាមួយគ្នា ធ្វើឲ្យអ្នកគាំទ្រមានការកោតសរសើរថាអ្នកទាំងពីរមើលទៅគួរឲ្យច្រណែនណាស់។

ថ្មីៗនេះ កាលពីថ្ងៃទី៤ខែកក្កដា ជាថ្ងៃសហរដ្ឋអាមេរិកបានទទួលឯករាជ្យភាពពីចក្រភពអង់គ្លេសនោះ Selena និងមិត្តប្រុសបានឆ្លៀតបង្ហោះរូបថតអបអរជាមួយគ្នាយ៉ាងផ្អែមល្ហែម។

នៅក្នុងរូបភាពនោះ លោក Benny Blanco បានឱបក Selena ពីខាងក្រោយ និងបានយកដៃក្រសោបរាងកាយនាងយ៉ាងស្និទ្ធស្នាល ឯ Selena វិញបានញញិម មើលទៅពិតជាមានសេចក្ដីសុខខ្លាំងណាស់ហើយ Benny ក៏បានបង្ហោះរូប Selena នៅក្នុង Story នៃគណនី Instagram របស់គេផងដែរ។

Selena ពិតជាស្រស់ស្អាតខ្លាំងណាស់នៅក្នុងឈុតមួយនេះដោយបានស្លៀករ៉ូបពណ៌សរឹបរាងនិងបូរឹបសក់ពណ៌សដូចគ្នា បង្ហាញផ្ទៃមុខដ៏ស្រស់ស្អាតជាមួយនឹងក្រវិលកងធំៗ៕  

ប្រភព៖ pagesix