ថៃ៖ Lisa ដែលជាសមាជិកក្រុមចម្រៀងនារី BLACKPINK ទើបតែបញ្ចេញបទចម្រៀងថ្មីសន្លាងរបស់ខ្លួន ជាបទទី១ក្រោយចាកចេញពីផលិតកម្ម YG Entertainment ដែលមានចំណងជើងថា "Rockstar" ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![Lisa ](https://s9.kh1.co/__image/w=481,h=537,q=100/71/71f9c7d045c4e9859f632d68bca20031cdefaa53.png)
![Lisa ក្នុងបទ Rockstar ](https://s9.kh1.co/__image/w=650,h=417,q=100/0a/0a0258efadea7b3aab1b9605e2dc57625f7059e1.png)
បទនេះបានចេញផ្សាយជាសាកលនៅលើគណនី Youtube របស់ផលិតកម្ម LLOUD ជាផលិតកម្មរបស់នាងផ្ទាល់នាថ្ងៃទី២៨ខែមិថុនា ដែលគិតត្រឹមថ្ងៃទី៥ខែកក្កដាគឺមានអ្នកចូលមើលដល់ទៅ ១៤លាននាក់ហើយ។ នៅក្នុងបទនេះដែរ Lisa បានថតនៅឯទីក្រុងបាងកក នាពេលយប់ខ្ទង់ម៉ោង២ព្រឹក បង្ហាញពីផ្លូវទំនេរស្អាតមានតែនាងនិងអ្នករាំ។
![Lisa ក្នុងបទ Rockstar ](https://s9.kh1.co/__image/w=650,h=447,q=100/d3/d355799c30a6dab6a83dd059298b11e225faecaa.png)
![Lisa ក្នុងបទ Rockstar ](https://s9.kh1.co/__image/w=650,h=650,q=100/f5/f543c8e273f6f8787754a301fe50066dd8690da0.png)
ជាក់ស្ដែង នៅពីក្រោយការថតនេះ Lisa បានសុំបិទផ្លូវមួយឈ្មោះថា Yaowarat ដែលនៅក្នុងប្លុក Chinatown (សម្បូរប្រជាជនចិនរស់នៅ) ស្ថិតក្នុងទីក្រុងបាងកក ប្រទេសថៃ ដែលការថតនេះចាប់ផ្ដើមប្រហែលពីម៉ោង២ព្រឹក ដល់ម៉ោង៥ព្រឹក ដោយ Lisa បានសុំឲ្យមានការបិទផ្លូវ។
![Lisa ក្នុងបទ Rockstar ](https://s9.kh1.co/__image/w=650,h=465,q=100/fc/fcf4cee0e56a4341176c8fedd0867b648d403528.png)
ទោះបីថតតែបីម៉ោងមែន តែ Lisa បានផ្ដល់ប្រាក់សងជំងឺចិត្តដល់ម្ចាស់ហាងនៅលើផ្លូវនេះម្នាក់ចំនួន ៥៤០ ដុល្លារអាមេរិក ហើយបានផ្ដល់ជូនអ្នកធ្វើដំណើរឆ្លងកាត់ចៃដន្យចំនួន ១០០០បាត (២៧.៣០ ដុល្លារ)ផងដែរ ៕
![Lisa ក្នុងបទ Rockstar ](https://s9.kh1.co/__image/w=650,h=415,q=100/38/3878fa6f14d18c8d3ee4cf4492ed8eefccb5710c.png)
ប្រភព៖ scmp