ក្តុកក្តួលខ្លាំង! ភាពរឹងមាំរបស់បេក្ខនារី Cambodian Idol រូបនេះធ្វើឲ្យគណៈកម្មការនិងទស្សនិកជនរំជួលចិត្តទប់ទឹកភ្នែកមិនជាប់

សប្ដាហ៍ដំបូងនៃកម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី5 ដែលបានទទួលការឧបត្ថម្ភផ្តាច់មុខដោយស្រាបៀគ្រុឌ, ភេសជ្ជៈប៉ូវកម្លាំងគ្រុឌ, ភេសជ្ជៈកីឡា វីអាកទីវ បានធ្វើអោយអ្នកគាំទ្រជាច្រើនសើចផង រំភើបផង និងស្រក់ទឹកភ្នែកផងទៅតាមការបង្ហាញសមត្ថភាពបូករួមជាមួយនឹងខ្សែរជីវិតរបស់បេក្ខជននីមួយៗ ។

ជាក់ស្ដែងបេក្ខនារីមួយរូបដែលមានឈ្មោះថា អ៊ុក សូលីតា បានធ្វើអោយគណៈកម្មការ និងទស្សនិកជនស្រក់ទឹកភ្នែកទៅតាមសាច់រឿងជីវិតពិតដ៏កម្សត់របស់នាងដែលបានបែកបាក់គ្រួសារ ចិញ្ចឹមកូនស្រីតូចៗ ២នាក់តែម្នាក់ឯង និងត្រូវរ៉ាប់រងម្ដាយចាស់ ។

វាមិនមែនជារឿងងាយទេក្នុងការតស៊ូចិញ្ចឹមបីបាច់ មើលថែ អោយកូនបានរៀន និងត្រូវឃ្លាតកូនទុកនៅផ្ទះទាំងក្ដីបារម្ភ ។ ទស្សនិកជនកាន់តែស្រក់ទឹកភ្នែកក្រោយពេលដែលបានស្ដាប់ការបកស្រាយបទចម្រៀងមួយបទយ៉ាងពិរោះដែលមានចំណងជើងថា សុបិនឃើញបង ដែលវាប្រៀបបានទៅនឹងសាច់រឿងពិតរបស់នាងផងដែរ ។

គួរបញ្ជាក់ផងដែរថា កម្មវិធីប្រឡងចម្រៀងល្បីបំផុតនៅកម្ពុជា Cambodian Idol រដូវកាលទី5 ដែលបានទទួលការឧបត្ថម្ភផ្តាច់មុខដោយស្រាបៀគ្រុឌ, ភេសជ្ជៈប៉ូវកម្លាំងគ្រុឌ, ភេសជ្ជៈកីឡា វីអាកទីវ ចាក់ផ្សាយជូនទស្សនាលើកញ្ចក់ទូរទស្សន៍ហង្សមាស HDTV រៀងរាល់រាត្រីថ្ងៃអាទិត្យ ម៉ោង 8យប់៕