លេងស្ទាយ៍ថ្មីជាមួយសក់ខ្លី Han So Hee នៅតែស្អាតឆ្វាច

កូរ៉េខាងត្បូង៖ Han So Hee គឺជាតារាសម្ដែងស្រីដ៏ល្បីឈ្មោះម្នាក់ក្នុងវិស័យភាពយន្តរបស់កូរ៉េខាងត្បូង ដែលថ្វីត្បិតនាងមានរឿងអាស្រូវពាក់ព័ន្ធនឹងអតីតមិត្តប្រុសយ៉ាងណាក្ដី ក៏ប្រជាប្រិយភាពនាងមិនធ្លាក់ចុះនោះឡើយ។

ថ្មីៗនេះ So Hee បានលេងម៉ូតសក់ថ្មីដោយកាត់សក់ទុកត្រឹមស្មា តែសម្រស់របស់នាងនៅតែក្លាយជាទីចាប់អារម្មណ៍ជាពិសេសស្បែកសដូចព្រិលរបស់នាង។ យ៉ាងណាមិញ រូបភាពថ្មីដែលនាងទើបបង្ហោះឲ្យអ្នកគាំទ្រ បានក្លាយជាប្រធានបទនៃការវែកញែក។

ក្នុងនោះ So Hee ដូចជាកំពុងថតម៉ូតឲ្យទស្សនាវដ្ដី ដោយពាក់អាវកាក់រឹបពណ៌សនិងសំពត់ពណ៌សាច់ ដូចគ្នានឹងអាវក្រៅដៃវែងពណ៌សាច់ ហើយអ្វីដែលលេចធ្លោនោះគឺម៉ូតសក់របស់នាងពិតជាសក្តិសមនឹងផ្ទៃមុខខ្លាំងណាស់៕

ប្រភព៖ allkpop