អបអរ ភរិយា Justin សម្រាលបានកូនប្រុស គួរឲ្យស្រលាញ់

បរទេស៖ ថ្មីៗនេះ តារាចម្រៀង លោក Justin Bieber បានប្រកាសយ៉ាងសប្បាយរីករាយ ថា ភរិយារបស់ខ្លួន Hailey Bieber បានសម្រាលកូនដំបូង របស់ពួកគេទាំងពីរ។

នៅលើទំព័រផ្ទាល់ខ្លួន តារាចម្រៀងប្រុសរូបនេះ បានប្រកាសដំណឹងនេះ ពោរពេញដោយភាពរីករាយ ទៅកាន់អ្នកគាំទ្រ ជាមួយនឹងរូបថតជើងដ៏តូច​ របស់កូនប្រុសទើបនឹងកើត រួមជាមួយនឹងសារបង្ហោះថា «សូមស្វាគមន៍មកកាន់គ្រួសារយើង»។ មិនត្រឹមតែប៉ុណ្ណោះ គេ​បានទៀតដឹង​ថា Justin Bieber តែងតែ​នៅ​ក្បែរ​ភរិយា Hailey Bieber អំឡុង​ពេល​សម្រាល។

ម៉្យាងវិញទៀត Justin ក៏​បាន​លាតត្រដាង​​ថា ​លោក​និង​ភរិយា​ បាន​ដាក់​ឈ្មោះ​កូន​ប្រុស​របស់​ខ្លួន​ថា Jack Blues Bieber ។ ជាមួយគ្នានេះ ការបង្ហោះរបស់ តារាចម្រៀងប្រុសរូបនេះ ទទួលបានការចូលចិត្តជិត ២ លានពីសង្គមអនឡាញ ក្នុងរយៈពេលតិចជាង ៣០ នាទី ខណៈនៅក្នុងផ្នែកបញ្ចេញមតិ អ្នកគាំទ្រជាច្រើនបានផ្ញើសារអបអរសាទរដល់ Justin Bieber និង Hailey Bieber ផងដែរ៕

ប្រភព៖ Kenh14

សូមទស្សនារូបភាពខាងក្រោម៖