Jennie លេងអាវស្បែក ចេញដើរលេងជាមួយ Bambam ក្រុម Got7

អាមេរិក៖ កាលពីយប់ថ្ងៃទី១៨ខែកញ្ញាកន្លងទៅនេះ Jennie ដែលជាសមាជិកក្រុមចម្រៀងនារី BLACKPINK បានទៅដើរលេងជាមួយនឹង Bambam ដែលជាសមាជិកក្រុមចម្រៀងបុរស GOT7 នៅទីក្រុង Los Angeles សហរដ្ឋអាមេរិក។

ការណាត់ចួបបែបបើកចំហរបស់ពួកគេទាំងពីរបានធ្វើឲ្យអ្នកគាំទ្រមានការភ្ញាក់ផ្អើលខ្លាំងណាស់ ដោយស្មានមិនដល់ទេថាអ្នកទាំងពីរជិតស្និទ្ធគ្នា ដោយគេបានប្រទះឃើញថាពួកគេបានទៅទទួលទានអាហារពេលល្ងាចជាមួយអ្នកស្គាល់គ្នា។

ក្នុងនោះ Jennie បានតុបតែងខ្លួនយ៉ាងទាន់សម័យគឺ ខោខ្មៅវែង ជាមួយនឹងអាវយឺតខ្មៅ ដោយបន្ថែមជាមួយនឹងអាវស្បែកវែងដល់កជើងពីខាងក្រៅ មើលទៅពិតជាឡូយឆាយនិងស្រស់ស្អាត ខណៈដែលនាងបានតុបតែងមុខធម្មតាៗហើយបានចងសក់ពាក់កណ្ដាលក្បាល ទម្លាក់សក់មកវែងរំសាយ។ Jennie និង Bambam មើលទៅដូចជារីករាយណាស់ ដោយគេឃើញអ្នកទាំងពីរបានញញិមញញែមនិយាយគ្នាសើចសប្បាយទៀតផង៕  

ប្រភព៖ allkpop