តែងឈុតបុរាណអ៊ីចឹងទៅ ពេជ្រ សោភា ស្អាតសមសួនគ្រប់ប្លង់

កម្ពុជា៖ ពេជ្រ សោភា គឺជាតារាចម្រៀងជួរមុខរបស់ប្រទេសកម្ពុជាយើង ដែលមានសំនៀងពីរោះនិងមានថាមពលខ្លាំងក្លា ដែលជារឿយៗ តែងតែអង្រួនបេះដូងទស្សនិកជនជាមួយនឹងទេពកោសល្យនៃការច្រៀងនិងបញ្ចេញក្បាច់រាំរបស់នាង។

បច្ចុប្បន្ននេះតារាចម្រៀងស្រីរូបនេះ នៅតែទទួលបានការគាំទ្រពីសំណាក់មហាជន និងនៅតែរក្សាភាពល្បីល្បាញខ្លាំងមិនដែលថមថយឡើយ ហើយបើក្រឡេកមកមើលសម្រស់នាងវិញគឺ រឹតតែស្រស់ស្អាតខ្លាំងពីមួយថ្ងៃទៅមួយថ្ងៃ។

ជាក់ស្ដែង ថ្មីៗនេះ ពេជ្រ សោភា បានបង្ហោះរូបភាពខ្លួនឯងនៅក្នុងឈុតប្រពៃណីបុរាណរបស់ខ្មែរយើងយ៉ាងស្រស់ស្អាត ព្រមជាមួយទឹកមុខស្រស់ញញិមសមសួនជានារីខ្មែរ ជាមួយនឹងការផាត់មុខបែបស្រាលៗ និងតុបតែងសក់បួងឡើងលើថែមមកុដ ដែលធ្វើឲ្យអ្នកគាំទ្រចូលទៅ Comment សរសើរមិនដាច់ពីមាត់ថា នាងស្អាតសមសួនណាស់ មិនថាស្លៀកពាក់បែបសម័យឬបុរាណនោះឡើយ៕