Bella បង្ហាញរូបភាពថ្មី ជាមួយគូស្នេហ៍ យ៉ាងផ្អែមល្ហែម

កម្សាន្ត៖ អាចនិយាយបានថា ទំនាក់ទំនងស្នេហារបស់ តារាស្រី Bella Ranee កាន់តែច្បាស់ឡើង និងត្រូវបានលាតត្រដាងជាបណ្តើរៗហើយ ជាមួយនឹង លោក Will Chawin ដែលជាអ្នកជំនួញរូបសង្ហា ខណៈដែលកាលពីកន្លងមក ក៏មាន​រូបភាព​របស់​អ្នក​ទាំង​ពីរ​ ក្នុង​ពេលវេលា​ដ៏​គួរ​ឱ្យ​ស្រលាញ់ ប៉ុន្តែវាត្រូវបានបង្ហាញ ដោយមនុស្សជុំវិញ និងអ្នកគាំទ្រ។

យ៉ាងណាមិញ ថ្មីៗនេះ តារាស្រី Bella ក៏បានចេញមក បង្ហោះរូបភាពរួមគ្នា ជាមួយ Will Chawin ដោយបានជូនពរគូស្នេហ៍ រីករាយថ្ងៃកំណើតដ៏ផ្អែមល្ហែម។ ហើយ​រូបភាព​ដែល Bella បង្ហោះ​ដើម្បី​ជូនពរនោះ គឺ​បាន​ពី​ដំណើរ​កម្សាន្ត​ ទៅ​ទីក្រុង New York ។ 

ក្រោយពីបានឃើញបែបនេះហើយ មហាជន​និងអ្នកគាំទ្រ ជាច្រើន ​បាន​ចូល​ចុច​ Like និង​ចូលរួម​ជូនពរ Will Chawin ក៏ដូចជាបានសរសើរពីភាពផ្អែមល្ហែមរបស់គូស្នេហ៍មួយគូនេះ ផងដែរ៕

ប្រភព៖ Sanook

សូមទស្សនារូបភាពខាងក្រោម៖