អេស្ប៉ាញ៖ អតីតអ្នកចាំទីក្លិប Arsenal និង Juventus កីឡាករ Wojciech Szczesny បានលើកឡើងថា វានឹងក្លាយជាការដែលមិនគោរព ប្រសិនបើរូបគេសម្រេចចិត្តបន្តចូលនិវត្តន៍ និង បដិសេធសំណើរបស់ Barcelona។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Barcelona ត្រូវតែចាំបាច់ស្វែងរកអ្នកចាំទីម្នាក់ដើម្បីមកជំនួសតំណែងរបស់ Marc-Andre ter Stegen បន្ទាប់ពីរូបគេជួបបញ្ហារបួសជង្គង់ធ្ងន់ធ្ងររហូតត្រូវសម្រាកនៅក្រៅទីលានពេញមួយរដូវកាល ខណៈ ចុងក្រោយ ពួកគេសម្លឹងមើលឃើញ Szczesny ដែលទើបតែប្រកាសចូលនិវត្តន៍កាលពីខែសីហាកន្លងទៅ ក្នុងនោះរូបគេនឹងចុះកុងត្រាលេងនៅកីឡដ្ឋាន Camp Nou ក្នុងរយៈពេលខ្លី។
ទាក់ទងនឹងការសម្រេចចិត្តត្រឡប់ពីការចូលនិវត្តន៍ដើម្បីចូលរួមជាមួយ Barcelona គឺ Szczesny បាននិយាយថា៖
ខ្ញុំមានការគោរពជាខ្លាំងចំពោះប្រវត្តិសាស្រ្តរបស់ Barcelona។ ពួកគេជាក្លិបដែលអស្ចារ្យជាងគេបំផុតមួយនៅលើលោក។ ខ្ញុំពិតជាយល់ចំពោះផលលំបាករបស់ពួកគេបន្ទាប់ពី Stegen ជួបបញ្ហារបួស ដូច្នេះខ្ញុំគិតថា វានឹងក្លាយជាការដែលមិនគោរពប្រសិនបើខ្ញុំបដិសេធសំណើមួយនេះ៕
ប្រភព៖ metro
Bong I.T