Park Bom ស្គ»-មស្អាតខ្លាំង នៅក្នុងខនសឺត "Welcome Back" របស់ 2NE1

កូរ៉េខាងត្បូង៖ កាលពីយប់ថ្ងៃទី៥ខែតុលាកន្លងទៅនេះ ក្រុមចម្រៀងនារី 2NE1 បានរៀបចំការប្រគុំតន្ត្រី "Welcome Back" ដើម្បីអបអរខួប១៥ឆ្នាំដែលក្រុមបានបង្កើតឡើង។

ក្នុងនោះដែរសមាជិកទាំងអស់រួមមាន CL, Sandra, Minzy និង Park Bom សុទ្ធតែបានបញ្ចេញទេពកោសល្យនិងសមត្ថភាពច្រៀងនៅលើឆាក ដោយបានអង្រួនអារម្មណ៍ទស្សនិកជនឲ្យសប្បាយហ៊ោទៅតាមចង្វាក់ភ្លេងនាឯទីក្រុងសេអ៊ូល ប្រទេសកូរ៉េខាងត្បូង។

ទាំងសមាជិកនិងអ្នកគាំទ្រសុទ្ធតែសប្បាយរីករាយនិងមិននឹកស្មានទេថា 2NE1 វិលត្រឡប់មកវិញបែបនេះ។ ទន្ទឹមជាមួយគ្នានេះដែរ អ្នកគាំទ្រក៏មានការភ្ញាក់ផ្អើលក្រោយឃើញរូបរាងដ៏ស្រឡៅស្រឡូនរបស់ Park Bom ដែលមើលទៅនាងហាក់ស្គមជាងមុន និងស្រស់ស្អាតខ្លាំង។

នៅក្នុងវីដេអូជាច្រើនថតដោយអ្នកគាំទ្រគឺ Park Bom បានរាំគ្រលែងចង្កេះនិងសប្បាយរីករាយនៅលើឆាកយ៉ាងគគ្រឹកគគ្រេង ពោរពេញដោយថាមពល ដែលធ្វើឲ្យអ្នកគាំទ្រសរសើរមិនដាច់ពីមាត់ថានាងអាចធ្វើបានគ្រប់យ៉ាងដើម្បី 2NE1 ៕

ប្រភព៖ koreaboo