កូរ៉េខាងត្បូង៖ Jennie ដែកជាសមាជិកក្រុមចម្រៀងនារី BLACKPINK បានប្រកាសថានាងនឹងចេញបទចម្រៀងថ្មីដំបូងគេក្រោមផលិតកម្ម ODD ATELIER របស់ខ្លួនមានឈ្មោះថា Mantra នាថ្ងៃទី១០ខែតុលានេះហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមុនពេលវីដេអូចម្រៀងពេញមកដល់ Jennie ក៏បានបង្ហោះរូបភាព Teaser ជាច្រើនដែលភាគច្រើនគឺស្ទាយ៍បែប Retro និង Vintage ដែលធ្វើឲ្យអ្នកគាំទ្រមានការរំភើបញាប់ញ័រចាំតាមដានបទថ្មីរបស់នាង។
ដោយឡែក ថ្មីៗនេះ Jennie បានចេញមកបង្ហោះរូបភាពបង្អួតរាងក្នុងឈុតបែបសិស្សសាលា គឺអាវក្រៅពណ៌ផ្ទៃមេឃជាមួយនឹងអាវសពីខាងក្នុង និងក្រវាត់កឆ្នូតៗគូជាមួយនឹងសំពត់ខ្លីបណ៌ខ្មៅ ដោយនាងបានស្លៀកបន្ថែមជាមួយនឹងស្រោមបាពណ៌ខ្មៅ និងស្បែកជើងពណ៌ក្រហម ដោយពាក់ស្រោមជើងពណ៌ស។ ក្នុងនោះនាងបានថតនៅទីក្រុងប៉ារីស ដោយបានជិបសាំប៉ាញ ជាមួយនឹងការតុបតែងមុខសាមញ្ញៗនិងស្ទាយ៍សក់ក្រងពិតជា មើលទៅពិតស្រស់ស្អាត ក្មេងជាងវ័យដូចសិស្សសាលាពិតៗ៕
ប្រភព៖ allkpop