ក្រោយ រៀបការជាមួយស្វាមីសេដ្ឋី Miranda Kerr កាន់តែមានក្ដីសុខ បែបនេះ

កម្សាន្ត៖ បើទោះបីជា តារាម៉ូដែលស្រី Miranda Kerr ហាក់កំពុងមមាញឹក ជាមួយនឹងក្រុមហ៊ុនផ្ទាល់ខ្លួន ព្រមទាំងមើលថែកូនទាំង៤នាក់ ប៉ុន្តែ តារាម៉ូដែលស្រីរូបនេះ ក៏មិនភ្លេចចំណាយពេល ជាមួយស្វាមីជារៀងរាល់ថ្ងៃ ផងដែរ។

នៅវ័យ៤១ ឆ្នាំ Miranda Kerr គឺជាអ្នកម្តាយកូនបួននាក់ ហើយរូបនាងក៏បានទទួលស្គាល់ថា ការគ្រប់គ្រងកូនប្រុសទាំង ៤ មិនមែនជារឿងងាយស្រួលទេ ខណៈដែលកូនប្រុសពៅត្រូវចំណាយពេលច្រើនជាងគេ។ តែទោះជាយ៉ាងណា ពេលនាងសម្ភាសន៍ជាមួយទស្សនាវដ្ដីមួយ អ្នកយកព័ត៌មាន បានសរសើរពីសម្រស់ដ៏ភ្លឺថ្លារបស់នាង និងរូបរាងស្អាត ទោះបីជានាងគេងបានតែប៉ុន្មានម៉ោងក៏ដោយ។

មិនត្រឹមតែប៉ុណ្ណោះ តារាម៉ូដែលស្រី Miranda Kerr ថែមទាំងបាននិយាយថា នាងញ៉ាំអាហារពេលល្ងាចជាមួយស្វាមីរាល់ថ្ងៃ ហើយចំណាយពេលជជែកជាមួយគ្នា ពេលកូនៗចូលគេង។ ជាពិសេស រូបនាងបានរក្សាការតុបតែងខ្លួនឱ្យនៅដដែល តាំងពីនាងទៅធ្វើការរហូតដល់យប់ជ្រៅ ដើម្បីរក្សារូបរាងដ៏ស្រស់ស្អាតរបស់ខ្លួន ពេលនៅជាមួយស្វាមី៕

ប្រភព៖ Ngoisao.net

សូមទស្សនារូបភាពខាងក្រោម៖