កម្សាន្ត៖ តារាសម្តែង លោក Ben Affleck ត្រូវបានគេរាយការណ៍ថា បានជួបជាមួយអតីតភរិយា ដែលជាតារាសម្តែង Jennifer Garner នៅក្នុងព្រឹត្តិការណ៍មួយ កាលពីយប់ថ្ងៃសុក្រ ដែលជាកន្លែងដែលអតីតភរិយារបស់លោកម្នាក់ទៀត គឺតារាចម្រៀង Jennifer Lopez ក៏បានចូលរួម ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមប្រភព TMZ បានឲ្យដឹងថា Jennifer Garner បានមកដល់នៅម៉ោង ៧ យប់ ខណៈប្រាំនាទីក្រោយមក តារាចម្រៀងស្រី Jennifer Lopez ក៏បានបង្ហាញខ្លួន ហើយ Ben Affleck បានបង្ហាញខ្លួនចុងក្រោយគេ។ អ្នកទាំងបី បានចូលរួមសកម្មភាពមួយនៅក្នុងសង្កាត់ Brentwood, Los Angeles ជាមួយកូនៗ របស់ពួកគេ។
នៅចុងបញ្ចប់នៃកម្មវិធី Garner និង Affleck ត្រូវបានគេឃើញនៅជាមួយគ្នា ខណៈដែលអតីតគូស្វាមីភរិយាមួយនេះ បានជជែកគ្នាយ៉ាងសប្បាយរីករាយ។ យ៉ាងណាមិញ Jennifer Lopez បានបង្ហាញខ្លួនដាច់ ដោយឡែកជាមួយកូនស្រី Emme និងមិត្តភក្តិរបស់នាង។
យ៉ាងណាមិញ វាមិនច្បាស់ទេថាតើ Jennifer Lopez បាននិយាយជាមួយ Ben Affleck នៅក្នុងព្រឹត្តិការណ៍នោះឬយ៉ាងណា។ តែទោះយ៉ាងណា អតីតគូស្វាមីភរិយាតារារូបនេះ កំពុងឈានដល់ដំណើរការលែងលះ ប៉ុន្តែនៅតែព្យាយាមជួបគ្នា ក្នុងសកម្មភាពរួមគ្នា ដើម្បីកូន។ គួររំឮកផងដែរថា Jennifer Lopez បានដាក់ពាក្យសុំលែងលះ នៅតុលាការនៅថ្ងៃទី ២០ ខែសីហា ពោលគឺរយៈពេលពីរឆ្នាំ ចាប់តាំងពីរៀបការជាមួយ Ben Affleck ៕
ប្រភព៖ Ngoisao.net
សូមទស្សនារូបភាពខាងក្រោម៖