តុបតែងបែបធម្មតាមែន តែ សារ៉ាយ សក្ខណា កាន់តែស្រស់ស្អាត ខណៈកំពុងមានផ្ទៃពោះ

កម្សាន្ត៖ បើទោះបីជា ពេលនេះ តារាសម្ដែងស្រី អ្នកនាង សារ៉ាយ សក្ខណា កំពុងតែមានផ្ទៃពោះក៏ពិតមែន តែការបង្ហាញខ្លួនរបស់តារាសម្ដែងស្រីរូបនេះ នៅតែមានភាពទាក់ទាញ​ ជាពិសេស ជាមួយនឹងការតុបតែងខ្លួនបែបទាន់សម័យ​តែម្ដង។

ថ្មីៗនេះ តារាសម្ដែងស្រី អ្នកនាង សារ៉ាយ សក្ខណា បានចេញមកបង្ហាញរូបភាពមួយចំនួន នៅលើបណ្ដាញសង្គម ដោយនៅក្នុងនោះ អ្នកនាងបានតុបតែងខ្លួនក្នុងស្ទាយ៍សាមញ្ញធម្មតា ប៉ុន្តែក៏បានបញ្ចេញនូវសម្រស់ស្អាត គួរឲ្យចាប់អារម្មណ៍ ខណៈកំពុងតែមានផ្ទៃពោះជិតសម្រាលក៏ដោយ។ 

ជាមួយគ្នានេះដែរ ហ្វេនៗក៏បានចូលមកសរសើរ បង្ហាញពីការពេញចិត្តទៅលើការរៀបចំខ្លួន និងបានជូនពរឲ្យនាងកាន់តែមានសុខភាពល្អ ក្នុងពេលកំពុងត្រៀមខ្លួន ទទួលសមាជិកថ្មី ឆាប់ៗខាងមុខនេះ៕

សូមទស្សនារូបភាពខាងក្រោម៖