Angelina Jolie ចេញមកបណ្ដើរគូស្នេហ៍ថ្មី យ៉ាងផ្អែមល្ហែម ក្រោយលែងលះ Brad Pitt

អង់គ្លេស៖ តារាសម្ដែងស្រីដ៏ឆ្នើមក្នុងពិភពហូលីវូដគឺ លោកស្រី Angelina Jolie ត្រូវបានគេប្រទះឃើញថាបានបណ្ដើរគ្នាជាមួយ អ្នកចម្រៀងរ៉េបល្បីឈ្មោះរបស់អង់គ្លេស Akala ដែលជាបុរសគេសង្ស័យថាជាគូស្នេហ៍ថ្មី។

តារាស្រីរូបនេះបានស្នាក់នៅទីក្រុងឡុងដ៍ ចក្រភពអង់គ្លេស កាលពីសប្តាហ៍មុន ហើយប្រភពមួយបានថ្លែងប្រាប់សារព័ត៌មាន The US Sun ថា Akala បានឡើងទៅចំណាយពេលជាមួយលោកស្រីនៅបន្ទប់សណ្ឋាគារនោះ។

ក្នុងនោះមានគេប្រទះឃើញ តារាចម្រៀងរ៉េបប្រុសម្នាក់នេះច្បាស់ៗនៅក្នុងសណ្ឋាគារផងដែរ ប៉ុន្តែពួកគេពុំទាន់បានបើកបង្ហាញជាសាធារណៈពីទំនាក់ទំនងពួកគេនោះឡើយ ដោយបានប្រើឡានផ្សេងគ្នានិងចេញចូលច្រកផ្សេងគ្នា ហើយកាលពីលើកមុន Angelina និង Akala ក៏បានចូលរួមមហោស្រពភាពយន្តដែរ តែមិនបានមកជាមួយគ្នាឡើយ។

បន្ទាប់ពីចូលរួមមហោស្រពនោះហើយ អ្នកទាំងពីរបានទទួលទានអាហារពេលល្ងាចដ៏រ៉ូមេនទិកជាមួយគ្នាទៀតផង ខណៈដែលពួកគេទាំងពីរត្រូវគេសង្ស័យថាបានណាត់ចួបគ្នាតាំងពីខែឧសភា ឆ្នាំ២០២៤៕

ប្រភព៖ pagesix