តួ Spider Man ជំនាន់ថ្មី ស្លៀកឈុតគូស្នេហ៍ កាន់ដៃមិត្តស្រី Zendaya យ៉ាងផ្អែមល្ហែម

អាមេរិក៖ ដូចដែលប្រិយមិត្តបានជ្រាបហើយថា Tom Holland ដែលជាតួអង្គ Spider Man ជំនាន់ចុងក្រោយរបស់ Marvel នោះ បានទាក់ទងគ្នាជាមួយនឹងកញ្ញា Zendaya ដែលជាដៃគូសម្ដែងក្នុងរឿងនោះផ្ទាល់តែម្ដង។

ទំនាក់ទំនងស្នេហាពួកគេមើលទៅដូចជានៅតែរក្សាភាពផ្អែមល្ហែមព្រោះ Tom តែងតែបានចេញមកបណ្ដើរ Zendaya ជារឿយៗហើយថ្មីៗនេះ អ្នកទាំងពីរក៏បានទាញយកការចាប់អារម្មណ៍ម្ដងទៀត ក្រោយបានបង្ហាញខ្លួនជាមួយគ្នា ចូលរួមពិធីសម្ពោធភេសជ្ជៈថ្មីដែលគ្មានជាតិអាល់កុលរបស់ Tom ឈ្មោះថា Bero ។

អ្វីដែលគេចាប់អារម្មណ៍នោះគឺ Tom Holland បានស្លៀកឈុតគូស្នេហ៍ពណ៌ឈាមជ្រូកដូចទៅនឹង Zendaya ដោយនាងបានស្លៀករ៉ូបដៃតូចរឹបរាង កអក្សរ V របស់ Louis Vuitton ខណៈ Tom ស្លៀកតែអាវដៃខ្លីកមូលធម្មតា និងខោសាច់ក្រណាត់ពណ៌ខ្មៅ ដោយគេបានឃើញថាអ្នកទាំងពីរកាន់ដៃគ្នាស្អិត បញ្ជាក់ថាចំណងស្នេហ៍ពួកគេនៅតែផ្អែមល្ហែម៕

ប្រភព៖ pagesix