កាចណាស់! Diaz យប់មិញស៊ុត hat-trick យ៉ាងអស្ចារ្យ ជួយឱ្យ Liverpool លត់ Bayer Leverkusen ៤-០ ឈរកំពូលតារាងនៅ UCL(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ០៦ ខែ វិច្ឆិកា ឆ្នាំ ២០២៤ នេះ ក្រុម Liverpool បានបើកទ្វាកីឡដ្ឋាន Anfield របស់ខ្លួន ទទួលស្វាគមន៍ក្រុមភ្ញៀវ Bayer Leverkusen នៅក្នុងការប្រកួតពានរង្វាន់ Champions League។

ជាការពិតណាស់ នៅក្នុងការប្រកួតនោះ ខាងក្រុមម្ចាស់ផ្ទះ Liverpool ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានទទួលជ័យជម្នះទៅលើក្រុមភ្ញៀវ Bayer Leverkusen ក្នុងលទ្ធផលយ៉ាងចាស់ដៃ ៤ ទល់នឹង ០។

ក្នុងនោះខាងក្រុម ៤ គ្រាប់របស់ Liverpool គឺរកបានដោយ Luis Diaz ២ គ្រាប់ម្នាក់ឯង គឺនៅនាទីទី ៦១, ៨៣ និង ៩០+២ ចំណែក ១ គ្រាប់ទៀត គឺរកបានដោយ Cody Gakpo នៅនាទីទី ៦៣។

គួរបញ្ជាក់ថា ក្រោយជ័យជម្នះនេះ បានធ្វើឱ្យ Liverpool បន្តឈរនៅកំពូលតារាងនៃតារាងចំណាត់ថ្នាក់របស់ UCL ក្រោយឆ្លងកាត់ ៤ ប្រកួត ពួកគេឈ្នះទាំង ៤ មាន ១២ ពិន្ទុពេញ ដោយឡែក Bayer Leverkusen វិញ កំពុងឈរនៅលេខរៀងទី ១១ ក្រោយឆ្លងកាត់ ៤ ប្រកួតដូចគ្នា ពួកគេឈ្នះ ២ ស្មើ ១ និងចាញ់ ១ មាន ៧ ពិន្ទុ។

សូមទស្សនាវីដេអូហាយឡាយខាងក្រោម៖