សង់តង់គ្នាណាស់! Vinicius ទាញផុត ២ នាក់បញ្ជូនឱ្យ Mbappe ស៊ុតមួយគ្រាប់អ៊េមហួស ខណៈ R.Madrid លត់ Leganes ៣-០(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ២៥ ខែ វិច្ឆិកា ឆ្នាំ ២០២៤ នេះ Leganes បានបើកទ្វាកីឡដ្ឋាន Estadio Municipal de Butarque របស់ខ្លួន ទទួលស្វាគមន៍ក្រុមភ្ញៀវ Real Madrid នៅក្នុងការប្រកួតសប្តាហ៍ទី ១៤ នៃក្របខណ្ឌ La Liga របស់ អេស្ប៉ាញ។

ជាការពិតណាស់ នៅក្នុងការប្រកួតខាងលើ ខាងក្រុមភ្ញៀវ Real Madrid ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានទទួលជ័យជម្នះទៅលើក្រុម Leganes ក្នុងលទ្ធផល ៣ ទល់នឹង ០។

ក្នុងនោះ ៣ គ្រាប់របស់ Real Madrid គឺរកបានដោយ Kylian Mbappe នៅនាទីទី ៤៣, Federico Valverde នៅនាទីទី ៦៦ និង Jude Bellingham នៅនាទីទី ៨៥។

គួរបញ្ជាក់ថា R.Madrid បច្ចុប្បន្នកំពុងឈរនៅលេខរៀងទី ២ ក្នុងតារាងចំណាត់ថ្នាក់ La Liga ក្រោយឆ្លងកាត់ ១៣ ប្រកួតកន្លងមក ពួកគេឈ្នះ ៩ ស្មើ ៣ និងចាញ់ ១ មាន ៣០ ពិន្ទុ ដោយឡែកក្រុម Leganes វិញ កំពុងឈរនៅលេខរៀងទី ១៤ ក្រោយឆ្លងកាត់ ១៤ ប្រកួត ពួកគេឈ្នះ ៣ ស្មើ ៥ និងចាញ់ ៦ មាន ១៤ ពិន្ទុក្នុងដៃ។

សូមទស្សនាវីដេអូហាយឡាយខាងក្រោម៖