អ៊េមណាស់! ឃើញដឹកនាំល្អនៅ Man UTD ឥឡូវក្លិបនៅអឺរ៉ុប ២ នេះកំពុងចរចាយកលោក Van Nistelrooy ទៅដឹកនាំ

បរទេស៖ អតីតគ្រូជំនួយ និងគ្រូបណ្តោះអាសន្នរបស់ Manchester United លោក Ruud van Nistelrooy ត្រូវបានគេរាយការណ៍ថា កំពុងមានការចាប់អារម្មណ៍ពីសំណាក់ក្លិបពីរនៅតំបន់ អឺរ៉ុប រួមមានក្លិប Leicester Cityមកពី Premier League និងក្លិបមកពីលីគទីពីរ អាល្លឺម៉ង់ Hamburg។

យោងតាមការចុះផ្សាយដោយសារព័ត៌មានបរទេសបានឱ្យដឹងថា លោក Van Nistelrooy កំពុងមានការចាប់អារម្មណ៍ខ្លាំងពីក្រុម Hamburg បន្ទាប់ពីពួកគេទើបតែបណ្តេញអ្នកចាត់ការចាស់លោក  Steffen Baumgart ចេញពីតំណែងកាលពីចុងសប្តាហ៍នេះ។

ដោយឡែកប្រភពពីអ្នកកាសែតលោក Rudy Galetti វិញបានឱ្យដឹងថា លោក Van Nistelrooy ក៏កំពុងស្ថិតនៅក្នុងគោលដៅធំរបស់ក្លិបកញ្ជ្រោងខៀវ Leicester City ផងដែរ ដោយពួកគេចង់បានបុរសសញ្ជាតិ ហូល្លង់ រូបនេះ ដើម្បីទៅជំនួសកន្លែងលោក Steve Cooper ដែលក្លិបទើបតែបណ្តេញចេញពីតំណែងកាលពីថ្ងៃ អាទិត្យ កន្លងទៅ។

គួរបញ្ជាក់ថា លោក Ruud van Nistelrooy បច្ចុប្បន្នកំពុងនៅទំនេរពីការងារនៅឡើយ បន្ទាប់ពីលោកបានចែកផ្លូវគ្នាជាមួយ Man UTD កាលពីពេលថ្មីៗនេះក្នុងនាមជាគ្រូបង្វឹកបណ្តោះអាសន្ន៕

ប្រភព៖ GOAL