មេធីម រឿង សោភ័ណ្ឌ ថា ពេជ្រ សម្បត្តិ ចេញទៅដណ្តើមខ្សែក្រវាត់ Knock Out ចុងឆ្នាំនេះ គាត់ដាក់ក្តីរំពឹងលើ សម្បត្តិ ត្រឹមតែ ៥០ភាគរយប៉ុណ្ណោះ ដោយសារហេតុផលមួយនេះ

ប្រដាល់៖ មេធីម រឿង សោភ័ណ្ឌ បានលើកឡើងថា សម្រាប់ការចេញទៅប្រកួតនៅប្រទេសជប៉ុន របស់ ពេជ្រ សម្បត្តិ ក្នុងការដណ្តើមខ្សែក្រវាត់ Knock Out ខាងមុខនេះ រូបគាត់សូមដាក់ក្តីលើរំពឹង និង ជឿជាក់ លើ ក្របីព្រៃត្រឹមតែ ៥០-៥០ ប៉ុណ្ណោះ។

ជាការពិតណាស់ ទាក់ទងនឹងរឿងខាងលើ មូលហេតុដែល រឿង សោភ័ណ្ឌ ហ៊ានដាក់ក្តីរំពឹងលើ សម្បត្តិ ត្រឹមតែ ៥០ភាគរយ ក៏ព្រោះតែវាជាការប្រកួតក្រៅដី ពាក្យថាម្ចាស់ផ្ទះ គេក៏ប្រឹងដែរ លំដាប់គេក៏មិនធម្មតាដូចគ្នា ដូច្នេះយើងច្បាស់ជាមិនងាយស្រួលឡើយ។

គួរបញ្ជាក់ផងដែរថា សម្រាប់ការប្រកួតដណ្តើមខ្សែវាត់ Knock Out ខាងលើ នឹងធ្វើឡើងនៅប្រទេសជប៉ុន នាថ្ងៃទី ៣០ ខែធ្នូខាងមុខនេះ ប្រកួតលក្ខណៈ 4 Men Tournament បែបហ្គង់ចេញម្រាម ខណៈ ពេជ្រ សម្បត្តិ នឹងត្រូវជួបជាមួយ កីឡាករជប៉ុន Taimu Hisai នៅជុំទី១ រីឯ មួយគូទៀត កីឡាករជប៉ុន Shimoji Kanato ត្រូវជួបជាមួយកីឡាករថៃ Lom Leesan៕